در شهادت حضرت خاتم الانبیا (ص)
.
✍️ زبدة الاشعار ✍️
.
🆔: @nohe_torki
.
مرحوم مضطر اردبیلی
.
.
هزار افسوس یوخدور ذرّه آلات بکا منده
نه یاخشی حنجره نه صوت نه واردور صدا منده
.
ایدرلر حُسن صوتیلن نظر خلقی جلب آخر
نه حسن صوت وار اصلا نه بیر علم غنا منده
.
نه بیر قابل کلامیم وار ئوزوم «مضطر» سوزوم «مضطر»
آدیم معلوم ائدر یوخدور سخن پربها منده
.
اگر آرام اولوب تحویل آلسون عرضیمی بلکه
آلام بیر فیض حقّونده ایدم قلباً دعا منده
.
جناب«یحیوی» اُول شاعر بی مثل و بی مانند
یتوردی فیضه آلدوز بهره ای اهل عزا منده
.
بُلون قدرین ولایت اهلی بیر گوهردی پر قیمت
سوزی ترس آلمیون تحویل،یوخ غرض ریا منده
.
منی احضار ائتمگدن عزیزیم قصدی وار گویا
دَروم بو باغ اجر و فیضیدن بیر میوه تا منده
.
او آغلار گوز که وار سنده یقینیم واردی باخمازسان
فصاحت یوخدی شعریمده لیاقت یوخدی یا منده
.
نجه سن آغلامازسان ذکر اولار محبوبیون آدی
حسینون قصّه سی کیفیت کرب و بلا منده
.
او پیغمبر که اسمینه تاپوب تشکیل بو مجلس
سالارسوز یاده آغلارسوز سیزیلن هم نوا منده
.
او پیغمبر ئوزی الان همین مجلسده حاضردور
دیر ای آغلیان اجرون سنون روز جزا منده
.
نجه سن آغلامازسان گر توجه اولسا آغلارسان
محبت رشته سی سنده، تذکر بی ریا منده
.
ـــــــــــــــــ
.
نه ایله یاخشی سسیم وار نه بیر یانقلی سوزوم
نه چاره فیضوه آخر منیمده واردی گوزوم
.
سوزی من عرض ایلین وقته ایلمه ناله
سکوت ایدوب قولاق آس بیرجه شرح احواله
.
او فیضیدن منه ده گر یتشسه حصه رَسد
گوزون یاشیله اوجا ناله ایله ایله مدد
.
بو گون او گوندی که ختم مآب، پیغمبر
جهانی ترک قیلوب ایلدی بقایه سفر
.
بو گوندن اولدی جفا ظلم قسمت آفاق
تمام ملّت اسلام ایچینده دوشدی نفاق
.
اولوب او شخصلری که ریاسته مایل
مراد قلبلرینه بو گون اولوب نایل
.
نه رحمتیله که اسلام اولمشیدی درست
پیمبر ئولمگی اعضای دینی ایلدی سست
.
خلاصه ختم رسل حال احتضارینده
تمام عترت اطهاری دورت کنارینده
.
او وقتیدور که دوشوبدور شماریه نفسی
وصال حضرت محبوبه روحینون هوسی
.
سینه سی سس ویروری آغلیانلارون سسینه
یواش یواش چخوری جان یتوبدی سینه سینه
.
محال یوخدی دیم اسم آغلیانلارینی
باشین آچوب او زمان سینه داغلیانلارینی
.
خلاصه عرض ایدورم آغلاماق اولوبدی رواج
مصیبت و غمه اهل و عیال اولوب آماج
.
کمال شدتیلن آغلیور جناب علی
حسین کیمین ایلمزدی فغان و ناله ولی
.
ایدوبدی گریه حسین آرتدی محنت و محنی
نه گوردی آغلوری بیر یوخدی تسلیت ویرنی
.
قباق زمانیده غمگین اولاندا اول مولا
سالاردی بویننا قول مادری خانم زهرا
.
گر اگلشیدی مبارک دلینه زنگ کدر
آلوب قوجاقه یوزیندن ئوپردی پیغمبر
.
گوروب آناسی فغانه گلوب ئوزی آغلار
دولوبدی اشگ غمیلن ایکی گوزی آغلار
.
آتا آناسی ایدر گریه هایهائیلن
دولوبدی بیت حبیب خدا نوائیلن
.
او وقت نظاره ایدوب بیر صولینه ساقینه
خیاله قویدی گیده جدّینون قوجاقینه
.
دیه من ایلیورم گور نه ناله یا جدّا
قوجاقه آلمیوسان لامحاله یا جدّا
.
قوجاقه آلمیوسان سرّ درد رازیمدن
ئوپردون آخر همیشه منیم بوغازیمدن
.
قباقکیلار کیمی گلدی دیسون ملال دلین
پیمبرون سینه سینه قویوب مبارک الین
.
الین قویاندا پیمبر سینه سینون اوسته
بیوردی شیر خدا اول حسینه آهسته
.
اوغول الوی کنار ایت او سینیه قویما
مباد جان ویروری جدّون اِنجیه قویما
.
چکر بیریسی که جان ویردی زحمت و آزار
سینه سی اوسته آغیر شیی اودور که قویمازلار
.
سنه فدا اولوم ای مصطفی وصی سی علی
او شمر شوم آغِردور و یا حسینون الی
.
امان او ظالم مرتّد دین ایوین یخدی
حسین سینه سینون اوسته چکمه لی چخدی
.
نه سینه سینه مگر صافیدی سلامتیدی
او قدر او سینیه اوخلار دگوب جراحتیدی
.
#پیامبراسلام_شهادت
#هزار_افسوس_یوخدور_ذره_آلات_بکا_منده
#نه_ایله_یاخشی_سسیم_وار_نه_بیر_یانقلی_سوزوم
#پیامبراسلام_مضطر_اردبیلی
#ترکی
.
✍️ #زبدةالاشعار ✍️
.
🆔: @nohe_torki
نظر دهید