شهادت حضرت معصومه (س)
.
✍️ #زبدةالاشعار✍️
.
🆔: @nohe_torki
.
#سبک_آتدان_یره_چون_دوشدی
.
رضوی زنجانی
.
ای جوهره ی عصمت یا حضرت معصومه
بحر کرم و رحمت یا حضرت معصومه
ای گل زهرای اطهر الدّخیل
دختر موسی بن جعفر الدّخیل
.
.
ای اختر اسپهر مهر و شرف و پاکی
ایمانیوه فخر ایلر اهل کره ی خاکی
گلدون بشرستانه ظاهرده بشر مثلی
عرش اهلینه اما سن ای اختر افلاکی
.
.
باجادی بشر یازسون آدون زر نابیله
هر گون یوسون اول آدی عطریله گلابیله
درگاهیوه کیم گلسه صدقیله دخیل اولسا
قیترمن اونی مأیوس چشمان پر آبیله
.
.
ای گوهر پر قیمت موسی ائوینه زینت
ای گلشن هستیده ریحانه گل جنت
شهپرلری حورانون فرش حرمین اولموش
حورا قدمین ئوپسون جنّتده چکر منت
.
.
مولامیزین ای یاران قدسی رقمی واردی
اول صادقی که دهره دانش کرمی واردی
فرمایش ایدوب یازدی ثبت ایتدی مورخلر
بیت اهلینون عالمده قمدا حرمی واردی
.
.
جان اوسته دیردون سن ای شاه ملک منظر
بند جگر خواهر پیغمبره ای بنزر
غربتده ئولور باجون قویما گوزونی یولدا
معصومه سنون قارداش جان اوسته یولون گوزلر
.
#حضرت_معصومه_رضوی_زنجانی
#حضرت_معصومه_مدح #حضرت_معصومه_شهادت
#ای_جوهره_عصمت_یا_حضرت_معصومه
#ترکی
.
✍️ #زبدةالاشعار✍️
.
🆔: @nohe_torki
نظر دهید