زبدةالاشعار

ای حبیب خالق سبحان سلام اولسون سنه #رضویه_هوشی_تبریزی

آرزوی زیارت حضرت امام رضا (ع)
#گریز به #آرزوی_کربلا
.
.
مرحوم غلامعلی باقری الهام (هوشی تبریزی)
.
.
ای حبیب خالق سبحان سلام اولسون سنه
قبر پاکی روضۀ رضوان سلام اولسون سنه
.
.
ای امامت چرخینه حسنونده ماه بی قرین
خسرو ملک خراسان رهبر اهل یقین
ای سلیل پاک طاها وی امام هشتمین
ای وجودی منبع احسان سلام اولسون سنه
.
.
ای جمالیندان اولان مهر جهان آرا خجل
وی سواد تار زلفوندن شب یلدا خجل
قامتیندن ای جهاندا قامت طوبی خجل
خلقتاً ای خسرو خوبان سلام اولسون سنه
.
.
قبرینین عالمده ای عرش معلا حسرتی
تربت پاکی اولان ای چشم حورا زینتی
ای سیلن دلدن وصالی زنگ درد و محنتی
شأنینه ای انبیا حیران سلام اولسون سنه
.
.
ای وجود پاکی مقصود خدای لم یزل
علت ایجاد عالم شهریار بی بدل
ای گوزل قبری اولان فردوس اعلادن گوزل
ای فلک دربارینه دربان سلام اولسون سنه
.
.
ای در بحر عطا و گوهر کنز ولا
ای جهاندا قبر پاکی کعبۀ اهل وفا
ای مقدّس آستانی ملجاء شاه و گدا
ای وجودی مظهر ایمان سلام اولسون سنه
.
.
ای امید اهل ایمان خسرو عرش آستان
وی گوزل آدی علی شاه ملائک پاسبان
ای ملقّب بر رضا وی شهریار مهربان
افتخار کشور ایران سلام اولسون سنه
.
.
سن او شهسن که سنه شاهان عالم بنده دور
سایۀ لطفون جهانه عزّت پاینده دور
هر مریض عشقه عالمده مداوا سنده دور
ای وصالی دردیمه درمان سلام اولسون سنه
.
.
سن او شهسن قبریوه شهلر اولاللار خاکبوس
سن او شهسن که تاپوپ سنله شرافت ارض طوس
سن اوشهسن آدلانوبسان دهرده شمس الشُّموس
صورتاً ای نیر تابان سلام اولسون سنه
.
.
سن او شهسن ای ولیّ حضرت پروردگار
گورمیوب گورمز سنون تک شه بو چشم روزگار
ایلیوبسن ملک طوسی دائما فصل بهار
ای جمالی نوگل خندان سلام اولسون سنه
.
.
سن او شهسن که سنی ممتاز ایدوب حیّ مجید
مرشد اهل کرامت سن سنه دنیا مرید
اولمیوب شاها قاپوندان سائل اولماز ناامید
ای سخاوت مُلکونه سلطان سلام اولسون سنه
.
.
سینه می هر تیر عشقه من نشانه ویرمرم
بیر سنون عشقون شها ملک جهانه ویرمرم
بیر طواف قبریوی مینلر جنانه ویرمرم
ای بهشته علّت رجحان سلام اولسون سنه
.
.
#گریز به #آرزوی_کربلا
.
.
صبریمی الدن آلور بیر بو مزارِ مشگبو
قان اولان گوگلومده بیرده #کربلا دور آرزو
ایستوری گویلوم دورام بیر قتلگهده روبرو
عرض ایدم ای سرورعطشان سلام اولسون سنه
.
.
ای قویان ایّوبی حیران اؤز ثبات و صبرینه
غرق ایدن دنیانی اشگ دیدۀ چون ابرینه
جان عالم لر فدادی آلتی گوشه قبرینه
قطب عالم حجت یزدان سلام اولسون سنه
.
.
ای دوشن گل پیکری تپراقلار اوسته زخمدار
ای ایدن قانی بلا صحراسینی بیر لاله زار
ای اولان گل جسم آماج خدنگ آبدار
دولدوران ای جسم پیکان سلام اولسون سنه
.
.
«هوشیم» بیر عمر دور بو آستانه نوکرم
قان اولان گویلومده وار بیر دردیم ای کان کرم
لا علاجم دردیمه سندن مداوا ایسترم
ای آدی هر دردیمه درمان سلام اولسون سنه
.
.
#رضویه_مدح
#ای_حبیب_خالق_سبحان_سلام_اولسون_سنه
#هوشی_تبریزی #رضویه
#ترکی
#زبدةالاشعار

متن پیشنهادی:  بو محبت بازلیقدان بیر پریشان اول،کؤنول #غزل_شمس_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی