ای حسینون اللهی شاهد اول اوخلانوب سوسوز سود امر بالام #اصغریه_کهنمویی

زبانحال امام حسین (ع) در شهادت حضرت علی اصغر (ع)
…
…
…
…
#سبک_ساخلا_ناقه_می و … ( 8 سبک سینه و زنجیر ) … گل اتاقی بیر خلوت ایلیاق … گئتمرم دایان گئتمه ساربان … نقش من چرا … و …
مشابه
پخش‌کننده صوت

…
…
…
…
جمعی از شعرای فقید تبریز (کهنمویی – عاصی – ذهنی زاده – محمود نالان – و …)
…
…
…
…
#کهنمویی #ریاضی_تبریزی
ای حسینون اللهی شاهد اول
اوخلانوب سوسوز سود امر بالام
اوچ گجه گونوز لبلرین اموب
ایمدی قانلو پیکان امر بالام
…
…
…
…
من ازل کی گون قول ویرموشم
کربلاده بیر امتحان ویرم
نونهال باغ رسالته
سو یرینه بو چولده قان ویرم
قویمیام شریعت گلی سولا
عشقیمی جهانه نشان ویرم
عهدیمه وفا ایلدیم بو گون
تشنه اوخلانوب مُحتَضَر بالام
…
…
…
…
#عاصی
دوغرادی جوانلاریمی سوسوز
بیر به بیر بو گون قوم اشقیا
صبر قیلّام هر بیر مصیبته
هر قضایه ویرَّم خدا رضا
اکبریم ئولنده بو حالته
دوشمدیم من ای خالق عَلا
آه آتشینله بو جانیمه
اوخلاناندا ووردی شرر بالام
…
…
…
…
محسن رهنما #جورابچی
ماه آل هاشم بو دشتیده
ایلدی خدا ظلمیله خسوف
شمس آل هاشمده آز قالور
ابر خونیده ایله سون کسوف
اللریمده بو سود امر بالام
گلمیشم بو درگاهه یا رئوف
شاهد اول بو قانلی قماطیله
محشره بو نوعی گَلَر بالام
…
…
…
…
#ذهنی_زاده
بو منای عشقیمی دولدوروب
یتمیش ایکی قوچ قوزی قربانیم
فرد فردینون حَقلیَم اگر
هجرینون اودونا یانار جانیم
بی گمان منای محبّتون
قانلی توپراقین خوش بویار قانیم
قانلی قونداقیله ولی گوزل
بو منای عشقی بَزَر بالام
…
…
…
…
#کهنمویی
من موفّق اولدوم مرامیمه
شکر اولا سنه حیّ لایَنام
آز قالور سوسوز جان ویرم اؤزوم
ایلیم هامی عهدیمی تمام
خدمتیمی تکمیل ایدوب منیم
اللریمده بو طفل تشنه کام
قانیله بویاندی بو عرصه ده
ویردی یاخشی بیر پُر ثمر بالام
…
…
…
…
#کهنمویی
دین یولوندا گرچه بو چولده من
کسمیشم تمام علائقی
بیلمرم اؤزومی بو حالیله
لیک وصل دلدار لایقی
شمر الینده کی خنجرین سویون
بو سوسوز دوداقلاردی شایقی
اصغریمده جان ویردی تشنه لب
ایلدی منی مفتخَر بالام
…
…
…
…
#ذهنی_زاده
من بو شیرخواری گتورمدیم
بو امیده بیر جرعه سو ایچه
ایستدیم بو ظالم جماعتین
جور و ظلمی اندازه دَن گئچه
لیک گلمزیدی گمانیمه
اوخ قلج بوغازین بئله بیچه
سو یرینه بولمزدیم اوخ گلر
اَللریمده اَلدن گئدر بالام
…
…
…
…
#عاصی
گرچه اوخلانوب تشنه لب بالام
حالیمی پوزوبدور مصیبتی
سن بولورسن الله حسینیوین
وار بو حاله دلدن رضایتی
نیلیوم آناسی گوزتلوری
گوز تیکوب یولا دلده حسرتی
بیلموری ایچوب سو یرینه قان
ظلمیله ئولوب سود امر بالام
…
…
…
…
#کهنمویی
بو جماعت ایستوردی جدّیمون
ایلسونله زحمتلرین هدر
باغ دینده گللر خزان اولا
نونهال دین ویرمیه ثمر
دینینه فدا اولماقا گلوب
قانینه بویاندی بو سود امر
آی گونون دالینجا جدا بویی
بیر ستاره تک سیر ایدر بالام
…
…
…
…
#محمود_نالان
آتش فراقیله وار یری
عالمه بو گونده شرر سالام
دلخوشام ئورکدن من ای خدا
بو منای وحدتده تک قالام
اوخ دگنده نازک بوغازینه
گوز آچوبدی دیسگیندی بیر بالام
ایلدیم من احساس او وقتیده
شمع تک الیمده سونَر بالام
…
…
…
…
#ذهنی_زاده
هر مصیبت و درد و محنتیم
بیر یانا، بالام دردی بیر یانا
سن بیلورسن الله بو سود امر
نسگیلیله باغریم دونوب قانا
بیر ایچیم سو اوستونده کیم گوروب
شیرخواره ظلمیله اوخلانا
لامَحاله باخموبدی حرمله
وورماسیدی پیکان ئولر بالام
…
…
…
…
#عاصی
مین بیله بلا و محن یته
منده وار دوزوم اولمارام ملول
باخمارام خیمده سو ایستوری
آغلاشور هامی عترت رسول
واردی خواهشیم لیک ای خدا
قیل گیلن بو قربانیمی قبول
چون اوزین بو کویِ محبّتین
بیر قوزی فداسی بولر بالام
…
…
…
…
#کهنمویی
گوردی اصغریم دین کمکلری
ایلیوبله بو چولده اتّفاق
نوش ایدن شهادت پیاله سین
محضر نگاره گیدر قوناق
ایستدی فدایان دینیدن
قالمیا دالی تشنه بو اوشاق
لعل تک اودور سرخ فام اولوب
قرمزی لباسی سُووَر بالام
…
…
…
…
#کهنمویی
بیر نهاره #اسلامی دعوتی
خاطر ایلدی جمعه نین گونی
#ناصریّ و #محمود و #حبشی
#آذریّ و #طهباز و #محسنی
#کهنمویی و #عاصی و #فقیه
نوحه خوان #حمیدیله #گلچینی
یازدولار او #سائل یازان سوزی
اوخلانوب سوسوز سود امر بالام
…
…
…
…
#اصغریه_شهادت
#ای_حسینون_اللهی_شاهد_اول
#ترکی
.
#زبدةالاشعار
.
: @nohe_torki