زبدةالاشعار

ای رشک ائدن وجودینه ملک و ملک اوغول #اکبریه_شبخیز

زبانحال حضرت لیلا (س) به فرزندش علی اکبر (ع) به هنگام وداع
.
✍️ #زبدةالاشعار ✍️
.
🆔: @nohe_torki
.
مرحوم شبخیز
.
ای رشک ائدن وجودینه ملک و ملک اوغول
حیراندی مه جمالیوه مهر فلک اوغول
.
.
ای شمع حسنی، خضره اولان هادی طریق
وی تشنۀ زلال لبی چشمۀ رحیق
گر ماه مصر، مهر جمالون گوره دقیق
مفتون اولار جمالیوه بی ریب و شک اوغول
.
.
آیینۀ جمال پیمبردی صورتون
مصداق عشق و آیت عرفاندی طلعتون
واله قویوبدی عالم امکانی خلقتون
ای خوان خلقته گوزل اسمون نمک اوغول
.
.
عزم ائتموسن قتاله بو صحراده واقفم
هرگز دئمم بو گتماقیوا من مخالفم
اما نه چاره غرق محیط عواطفم
اشگیم آخیر عذاره اودور نم نمک اوغول
.
.
حسنون صفاسی پیکریمه تازه جان وئرور
بی تاب طُرّه لر منه تاب و توان وئرور
خوناب اولان ضمیریمی اما نشان وئرور
قانه بویانسا صورتون آئینه تک اوغول
.
.
سالدیقجا دل گذشته نی بو چولده یادینه
حسرت شراری شعله ویرار جان نهادینه
دلشادیدیم همیشه علی اکبر آدینه
یاده دوشور او خاطره لر تک به تک اوغول
.
.
گوز پرده سینده نقش اولونوب عکس صورتون
هیهات محو اولوب سیلینه گوزده طلعتون
بو نقش اولار ذخیرۀ ایّام فرقتون
ساخلار همیشه عکس رخون مردمک اوغول
.
.
اوج مقام و مرتبه وی کبریا بیلر
بیرده عُلُوّ شأنیوی میر هدا بیلر
حتماً اوغول مقامینی بیرده آنا بیلر
بیلمز بلی عیار زری جز محک اوغول
.
.
بو عرصۀ قتال دگیل بزم راز دور
محراب عشق و معبد راز و نیاز دور
مجذوب عشقه خاک سیه جانماز دور
آب وضوسی قرمزی قاندان گرک اوغول
.
.
گرچه ئولوم صداسی گلور بو ستیزدن
باک ایلمه ولی سپه بی تمیزدن
سال خرمن عدویه شرر تیغ تیزدن
یانسون گرک بو شعله ده خار و خس اوغول
.
.
بو فکریله ائدوبدی جفا اهلی اجتماع
نسل نبوّته یتوشه بلکه انقطاع
گئت دین و اهل بیت حریمیندن ائت دفاع
اولسون رضا خدای سماک و سمک اوغول
.
.
اوّلده بو جماعتی دنیا ائدوبدی مست
آئینۀ حقیقتی ایلوبدیلر شکست
وئردی بروزه کینه سینی بو گروه پست
غصب اولدی اوندا که ستمیله فدک اوغول
.
.
صرف ائت رواج دینه هامی اهتمامیوی
جّدین کیمی بو چولده اله آل حسامیوی
اوز دِینیوی ادا ائله درک ائت امامیوی
یالقیز قالوبدی یوخدی معین و کمک اوغول
.
.
سوز عطش ، حرارت جان سوز آفتاب
دیلدن آلور بو دشت بلاده توان و تاب
گویا قوپوبدی نفس طبیعتده انقلاب
کیم منقلبدی عالم خا ک و فلک اوغول
.
.
عزم ائتمه میش جهاده ولیکن رعایت ائت
قارداشیوی ، مریضیدی گئت بیر عیادت ائت
اظهار قیل علاقه وی ، عرض ارادت ائت
شاید دوباره گورمویه سن حشره تک اوغول
.
.
بوندان صورا خلیفه دی یئر گوی امامیدی
شاهلار بوتون بو شاه ولانین غلامیدی
بو سوز منیم سوزوم دگیل الله کلامیدی
بونداندی امر و نهی هامی ماملک اوغول
.
.
خلوتدی بزم راز گر اولسا عنایتون
لطف ائت دویونجا بیر گوروم اول سرو قامتون
سندن صورا سالار منی دلدن بو فرقتون
بالله، چتین دی فرقته صبر ایلمک اوغول
.
.
ای نشر ائدن جهاندا محبت مقامینی
«شبخیزین» ائت بلند ایکی دنیاده نامینی
مدّاحیمزدی باخ ائله شیرین کلامینی
اشعا رینه عنایت ائله وئر بزک اوغول
.
.
#اکبریه_شهادت
#ای_رشک_ائدن_وجودینه_ملک_و_ملک_اوغول
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ایدون ناله یوم عزادی سمالرده ماتم به پادی #صادقیه_زلفی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی