ای حسین اسرار بسم الله سلام اولسون سنه #حسینیه_ثابت_اردبیلی

#سلام_بر_عاشورائیان
..
..
..
مرحوم ثابت اردبیلی
..
..
..
ای حسین اسرار بسم الله سلام اولسون سنه
نور حق روح رسول الله سلام اولسون سنه
..
..
..
عرش فرشون لنگری دوقّوز امامون رهبری
اسم اعظم حکمتى علم نبوّت دفتری
قلبی الله جایگاهی جدّی احمد ازبری
تاج اولان فرقنده ثارالله سلام اولسون سنه
..
..
..
اى على اکبر حسینون عمرینون سرمایه سی
سرو قدّینده رقم قانیله قرآن آیه سی
قانیله محکم اولوب دین محمد پایه سی
جان نثار حکمتی الله سلام اولسون سنه
..
..
..
ای نشان مجتبا داماد سلطان حجاز
کاکلی جلّاد الینده باشلیان راز و نیاز
زینب خاتون ایدن صد پاره نعشین پیشواز
اؤز قانی خلعت ذبیح الله سلام اولسون سنه
..
..
..
ای ابوالفضل ای نگهبان سرادق جانفشان
نهر علقمده قالان آثار مرگ جاویدان
قولّارین قرآنه قربان ایلین شیر ژیان
طاقت اعضاء آل الله سلام اولسون سنه
..
..
..
ای علی اصغر گورن اوخ یاره سیندن رختخواب
کربلا اسرارینه امضاء ازل گون انتخاب
قان دولان قونداقینه سوز عطشدن دل کباب
خورداجا قربانی سیرالله سلام اولسون سنه
..
..
..
ای حبیب ابن مظاهر وردی قرآن مجید
قانیلن الوان محاسن مرد و مردانه شهید
قبریوه قربان عزادارون قوجا شیر رشید
یار سلطان فنا فی الله سلام اولسون سنه
..
..
..
ای ریاحی اوغلی حرسن باغلادون پیمان عشق
زرخرید توپراقی بیر گونده آتان قربان عشق
سینه وه ووردون مدال آیۀ قرآن عشق
ایلدون خدمت رضاء الله سلام اولسون سنه
..
..
..
ای ظهیر احرام مرگی باغلیان باش وئرمگه
عشق دریاسینده گوهر مثل داش قاش وئرمگه
باشیوی آلدی حسین آغوشه پاداش وئرمگه
همدمی جنّتده عین الله سلام اولسون سنه
..
..
..
ای وهب ای ارمنی تازه گلیندن ال چکن
قامته شمشیرون آلتندا گین قاندان کفن
یوز یوزه قویدون حسینیلن منایه بسلنن
قانه باتدون فی سبیل الله سلام اولسون سنه
..
..
..
مسلم ابن عوسجه لب تشنه سرباز حسین
قتلگهده دوغرانان مردانه جانباز حسین
بند بندیندن گیدن هر یانه آواز حسین
عاشق قلبی حبیب الله سلام اولسون سنه
..
..
..
دوغرانان نصرانی اسلام اوسته قربان جانوه
چکدی امضاء شاه دین سرلوحده پیمانوه
جنّتی قیمت قویوب الله توکولموش قانوه
باشینی آچدی کلیم الله سلام اولسون سنه
..
..
..
ای جناب قاسمون خردا وفالی قارداشی
قول ورن جاندان گچن نوک جدا اوسته باشی
زینبون قربانلارینون دل شکسته یولداشی
دوغرانان مقتلده عبدالله سلام اولسون سنه
..
..
..
ای رقیّه ای خرابه شامی گلزار ایلین
کهنه معجردن کفن پوش چشم خون بار ایلین
عمّه سین خردا مزار اوسته دل افکار ایلین
دفن اولان دخت ولی الله سلام اولسون سنه
..
..
..
ای خانم زینب حسینون نهضتینون شرکتی
اوح محفوظه یازیلمیش حکمتینون شرکتی
دین اسلامه مناده همتینون شرکتی
ای اولان وردی کلام الله سلام اولسون سنه
..
..
..
ای ابوالفضلون جوانی ملک یثریده قالان
ثابت آغلار الده خامه اردبیلده هر زمان
من دخیلم درگهونده غمدن اولدوم باغری قان
گوزلری یولاردا عبدالله سلام اولسون سنه
..
..
..
#حسینیه #ثابت_اردبیلی #حسینیه_مدح #حسینیه #ورود_محرم #ترکی #زبدةالاشعار