زبدةالاشعار

وجهی ندیر آچیلمادی دل انقلاب دن #عباسیه_قیزیل_قلم

در مواسات حضرت ابوالفضل(ع)
.
✍️ #زبدةالاشعار ✍️
.
🆔: @nohe_torki
.
قیزیل قلم (6 بیت اول از مرحوم #واقف_سرابی میباشد)
.
«وجهی ندیر آچیلمادی دل انقلاب دن»
«بیدارائتمَه دی منی بیرلحظه خواب دن»
.
«عقلیله عشق ائیله دی بیرگون مباحثه»
«عاجزقالیرگؤگول بوسؤال و جواب دن»
.
«سؤیلردی عشق منده محبت نشانی وار»
«گرایسته سن حقیقتی یول تاپ بوباب دن»
.
«ای عشق حقّ دایره سینده قدم ووران»
«گل عشقی مشق ائله پسرِ بوتراب دن»
.
«عشق حسین چکدی ابوالفضلی بیریئره»
«دریاده تشنه جنگ ائدیب ایچمزدی آب دن»
.
«اووجوندادولدوروب سویونهرِفراتیدن»
«سوایچمگ ایستَدی اوتانیبدی رباب دن»
.
لَعلِ لبیندن ایستَه دی آبِ فرات اؤپه
کسبِ شرافت ائیلییه عالی جناب دن
.
نهرِفرانی ائیلَدی بیرعمرْ شرمسار
عشق حسینه خاطراَلین چکدی آب دن
.
مشکین لبالب ائتدی اوره کده بو نیّتی
شش ماهه اصغری قوتارا التهاب دن
.
وئرسه اجل امان یِئتیره خیمه گاهه سو
زهراعروسی راحت اولا اضطراب دن
.
ووردی دِرَفشِ نصرتی شطّین کنارینه
روحِ علی سِئویندی بو امرِ ثواب دن
.
مشکین گؤتوردومرکبین اوسته سواراولوب
فکرائیلیورمسیر اَیاب و ذهاب دن
.
تحتِ قدومین ئوپدوعقابین اؤزنگیسی
آسوده اولدو خاطری زینِ عقاب دن
.
بیریول ائدوبدی منتخب اول شیردل جوان
حیران قؤیوبدوعالمی حُسنِ صواب دن
.
اصلح گؤروبدوسالماقایول نخلزاریدن
سرعتده سبقت ایسته دی آلسین شهاب دن
.
فرمانده سپاهی تانیراهل فَنّ و رزم
روزنبردیده هدفِ انتخاب دن
.
راکب سرورِ وَجدیله مشکینده دیرگؤزو
مرکبده راکب اَمرینه دوشمز شتاب دن
.
ناگاه دوشدوگؤزلری افواجِ لشگره
تعدادۍچوخدۍگؤردوکی حدّوحساب دن
.
انصارِبازماندهٔ اصناف نهروان
ایستولّه انتقام آلالار بوتراب دن
.
نیزه وورانلاراوّلِ صفده ائدیب کمین
پشتِ سرینده اوخ آتانی شیخ و شاب دن
.
شمشیرزن بیرعده سواره پیاده سی
گُرز و تَبر اَلینده ذبیب و ذباب دن
.
باشلاندی جنگ،شورش و غوغاعیان اولوب
بسدیرقلم بو یِئرده داخی چیخ حجاب دن
.
جنگه اَل آچدی حضرت عباس نامدار
احسنت و آفرین دئییلور نُه قباب دن
.
ساق و صولا چکیرنئجه شمشیرتیزینی
بیرکیمسه قورتارانمّوراوساعت عذاب دن
.
هانسی سواره غیظیله عباس ائدیرنگاه
تیتریروجود نحسی دوشورتِئزرکاب دن
.
یامرکب اوسته هرکیمه صمصامین اَندیریر
تپراقه سرنگون گؤرونؤر پیچ و تاب دن
.
ایستی هواده تَریاشیل عمامه دن سوزور
هرقطره سی عطیرلی بیرعمّان گلاب دن
.
عطشان وزیرِجنگی گؤرن آفرین دِئیور
شمشیری باج آلور شرر آفتاب دن
.
چوخ یاره ووردولاراوسپهدارِاعظمه
سلبِ صلابت اولمادی نیکو مأب دن
.
هریاره دگدیگیجه اوشیرِهنروره
عشقین محک ووران اوتانیرارزیاب دن
.
جانین دوتوبدواووجوناجانانی آختاریر
فارغ اولوبدی فیضِ حضور و غیاب دن
.
حاضردی جان بهاسینه بیرغایب عشقینه
پرواز ائدیبدی روحی بو دِیرِ خراب دن
.
تیغِ ستمله ائیلَدیلر ساق قولون قلم
سلب صلابت اولمادی اوْل مستطاب دن
.
بیرفنِّ رزمیلن صول اله آلدی تیغینی
بیراَللی سالدی دشمن قرآنی تاب دن
.
وَاللهُ اِنْ قَطَعْتُ یَمیني اِئدیب شعار
حیرتده قالدی دشمن اوعالی خطاب دن
.
اِنّي اُحٰامي دینيٖ دئییر پورِمرتـضیٰ
اطرافین آلدی نیزه وورانلار شعاب دن
.
ناگاه صول الینده سالیبلار جفائیلن
نامرد دشمنی دیله گلدی،عتاب دن
.
دیرسکلریله مشکینی باسمیشدی باغرینا
محنت کتابین ایندی آچیم هانسی باب دن
.
مشکینده قیلدیلار هدف تیر جانستان
محروم اولوبدی گؤزلری مشکیله آب دن
.
اوچ شعبه لی بیراوخ دا جبینینده اگلشیب
قانه بویاندی صورتی خونین خضاب دن
.
بیلمم نه حاله قالدی اودَم سسلدی حسین
ماه ایسته دی مدد یِئنه ده آفتاب دن
.
تِئزگل هرایه قارداش حسین اَل یئتیرمنه
بیدارائتمه اصغرووی ناز خواب دن
.
یوخ قولّاریم بدنده باشیمدان دفاع اِئده
گل باشیمی دیزاوستونه آل سن تراب دن
.
دوشدوم یارالی تُپراقا قارداش یوبانماچوخ
آلما خبرنه نوعی یخیلدیم عقاب دن
.
آتدان دوشنده من یوزواوسته یخیلمیشام
بیربو مصیبتیم چتین اولدی،مصاب دن
.
تِئزگل اَخا شماتت اِئدیللرکی قولسوزام
گل آل بوقانلی پرچمی فوجِ غُراب دن
.
زهرا آنام اوغوللوقا نسبت قبول ائدیب
روحوم سِئویندی گؤرنه گؤزل انتساب دن
.
سقّاییدیم سوسوز بالالاردان خجالتـم
شرمنده قارداشین نه دئسین انتصاب دن
.
وِئرپاره مشکیمی سویولون گؤزلیینلره
حِلّیّت آل رقیّه بالاندان رباب دن
.
بانیِّ شعراولوب «حاجی رضوان یوسفی»
یازدی«قیزیل قلم»سؤزی«واقف»سرابی دن
.
یارب سراب اهلینی عباسه عفّوائله
محروم ائتمه تپراقین آبِ سحاب دن
.
.
.
#عباسیه_قیزیل_قلم
#عباسیه_شهادت
#وجهی_ندیر_آچیلمادی_دل_انقلاب_دن
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  یاعلی مولا علی جان #حیدریه_آذرین_خلخال

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی