#سلام_بر_عاشورائیان
..
..
..
..
حسینی زنجانی
..
..
..
..
ای حسین ای حافظ قرآن سلام اولسون سنه
ای عزیز خالق سبحان سلام اولسون سنه
..
..
..
..
ای گیدن میدانه تنها کلمۀ الله تک
عالمی حیران قویان عشقینده سر الله تک
ال چکن جاه و جلالیندن فنا فی الله تک
قویمویان عهدینده بیر نقصان سلام اولسون سنه
..
..
..
..
ای ویرن اسلامه عزت دینه امداد ایلین
حقی اظهار ایلیوب دین ملکین آباد ایلین
کفری ویران ایلین بی داده بیداد ایلین
ای معین سرّ الرّحمن سلام اولسون سنه
..
..
..
..
مسلم ای بنیاد ایدن شاهین سفارتخانه سین
کوفه ده نوش ایلین اوّل ئولوم پیمانه سین
کرکس منفور ویران ایلین کاشانه سین
ای ایدن پیغمبری گریان سلام اولسون سنه
..
..
..
..
ای علی اکبر حسینین قلبینون ریحانه سی
یوسف لیلا رسول اطهرین دردانه سی
شمع بزم عشق، عاشقلر اونون پروانه سی
وصفینه دیللر قالان حیران سلام اولسون سنه
..
..
..
..
قاسم ای سرباز جانباز امام ممتحن
نور چشم مرتضا فرزند دلبند حسن
عشقیده ایمانیده کامل اؤزى وجه الحسن
دینه یاور حقه پشتیبان سلام اولسون سنه
..
..
..
..
ای ابوالفضل ای حسینین منشی و سر دفتری
دشت غمده شاه دینین منتخب سرلشگری
کنز عشقین گوهری برج وفانین اختری
ای امید حجّت یزدان سلام اولسون سنه
..
..
..
..
ای علی اصغر مدال سینۀ سلطان عشق
قهرمان خردسال فاتح میدان عشق
آدینه ای ثبت اولان مین دفتر و دیوان عشق
چرخ عشقه کوکب تابان سلام اولسون سنه
..
..
..
..
زینب ای دخت علی بزم عزا پیرایه سی
زین اب ناموس عالم عصمت الله سایه سی
شأنوزه نازل اولوب قرآندا تطهیر آیه سی
گوهر ارزندۀ ایمان سلام اولسون سنه
..
..
..
..
ای بیابان بلانین باوفا شیری زهیر
عون و فضل و جعفر و مرد حقیقت بین بریر
جانوزی ویردوز فدا تک قویمادوز قالسون شبیر
ای حبیب ای منصبی دربان سلام اولسون سنه
..
..
..
..
ای حسین ای درگهینده خسروان کمتر غلام
بو «حسینی» ناله ایلر محنتونده صبح و شام
حسرتیم وار آلتی گوشه قبریوه بیر ئوز قویام
عرض ایدم ای سرور خوبان سلام اولسون سنه
..
..
..
..
نظر دهید