زبانحال حضرت امیرالمومنین علیه السلام
✍️ زبدة الاشعار ✍️
?: @nohe_torki
رامین محمد زاده (پریشان )
سالوب عالمه شراره باشیمون یاراسی زینب
بئله آغلاما کی یوخدی یارامون دواسی زینب
دئمورم منیم غمیمده دل عالمینی داغلا
دئمورم آلیش غمیمده یاکی باشه قاره باغلا
یتیشوب تمامه عمروم ئولورم قیزیم آز آغلا
بالا گورسنور یوزومده ئولومون نماسی زینب
نه باجی واریمدی تاکی منه آغلیا نه قارداش
هامی کودکان کوفه من ایچون توکوله گوزیاش
باشیم اوسته ایندی زهرا گلوب آغلییدی ایکاش
باشیما دوشوبدی والله ننون هواسی زینب
باشیما دینده شمشیر نفسیم اله دایاندی
یاراما بوقدری باخما اورگیم آلیشدی یاندی
گوزوون یاشین عزاره بئله باغلاما اماندی
هله ساخلا دیده یاشین گوزوون فداسی زینب
هله فاطمه غمینده غم و محنته یانانسان
اورگون یانیر ولیکن منیلنده ناگرانسان
بولورم نقدری غصه گله زینبیم آلانسان
غمه صبراله بوصبرین اولاجاخ بهاسی زینب
بئله قویما نازنینیم اورگون محنده دولسون
شرر بلا گلنده صبریون بهاری سولسون
اله گون قاباخدا واردی گرک اوردا صبرون اولسون
غمه صبراله نقدری اولا گر بلاسی زینب
سفرون قاباخدا واردی کی او آخرین سفردی
اوسفر سنه عزیزیم بئله سانما دردی سردی
ئواجاخ بوتون عزیزون ؛ ولی آخری ظفردی
گوره جاخسان اوردا عشقین ندی قان بهاسی زینب
گلرم او چولده زینب اورگون یانان زماندا
او چوخور یره حسینیم یخیلوب قانی آخاندا
ئوزی ایتیرمه زینب خنجره الیین آتاند
قویما اینجیسون حسینون حلقیده یاراسی زینب
او چوخور یره عزیزیم باد غم اسنده گلم
شمر دون اوقانلی باشی ظلمیله کسنده گلم
خنجر آتدا بی کس اوغلوم گل کیمی اسنده گلم
دیللره دوشوبدی چونکی قانلی کربلاسی زینب
#سبک_سو_یوخومدی_قیزلاروندان (بیش از 4 #سبک سینه و زنجیر)
#حیدریه
#حیدریه_شهادت
#سالوب_عالمه_شراره_باشیمون_یاراسی_زینب
#پریشان_تبریزی
#ترکی
✍️ #زبدةالاشعار ✍️
?: @nohe_torki
نظر دهید