ای حسین ای شاه مظلومان سلام اولسون سنه – #حسینیه_خلیل_آسانی

یا حسین
.
زبدة الاشعار

?: @nohe_torki
.
خلیل آسانی چله خانه (حائر)
.
ای حسین ای شاه مظلومان سلام اولسون سنه
ای جمالی جلوۀ جانان سلام اولسون سنه
.
.
خط سیر حقیده نور و صراط مستیقم
معنی و تفسیر آیات خداوند کریم
ای منای عشقیده باشسیز دوشن ذبح عظیم
سو کنارینده یاتان عطشان ، سلام اولسون سنه
.
.
نور چشم مرتضی بند دل خیرالنسا
درگهی اهل نیازه ملجأ و باب الرجا
دردمنده مرقد شش گوشه سی دارالشفا
چاره سیزلردردینه درمان، سلام اولسون سنه
.
.
ای اولان «قالوا بلادن» مست صهبای الست
مدرک اثبات عشقین قانلی امضای الست
سینه ده شور الست و باشدا سودای الست
عهدینه عالی وئرن پایان سلام اولسون سنه
.
.
ای دوشن آیری وطندن ، غربت ائل آواره سی
ای گئدن قبره اورکده مین جفانین یاره سی
ایستی قوملار اوسته باشسیز پیکر صد پاره سی
گون قباقینده قالان عریان سلام اولسون سنه
.
.
حق یولوندا عشقیلن عباس و اکبردن گئچن
قاسم مه پاره دن شش ماهه اصغردن گئچن
یوسفه بنزر جوانان مَلَک فردن گئچن
ای وئرن یئتمیش ایکی قربان سلام اولسون سنه
.
.
قیلدین عاشورا گونی دشت بلاده بیر نماز
اولمادی سوقانیلن آلدین او گونده دستماز
بیر فقط خالق بولور وئردی سنه نه امتیاز
خون بهاسی حضرت سبحان سلام اولسون سنه
.
.
سن شهید اولدون، باتوب یاسه ملک آشفته حال
درگهینده حشره تک دورد مین ملک پوزقون جمال
گر چه اولماز جنّت اعلاده اندوه و ملال
اهل رضوانی قویان گریان سلام اولسون سنه
.
.
فرقۀ کفّار تکمیل جنایت ایلدی
کربلادن اهل بیتین شامه هجرت ایلدی
قانلی باشین نیزده قرآن تلاوت ایلدی
کوفیان قالدی او دم حیران سلام اولسون سنه
.
.
اونداکی قالموشدی امّت ورطۀ طوفانیده
دیو ظلمت قد آچیردی ظلمیده طغیانیده
قویمادین قالسین ضلالت عرصۀ جولانیده
امّته ای نوح کشتیبان سلام اولسون سنه
.
.
شهپر ایمانیلن اوج سعادتده اوچان
پرچم حرّیّتی قاف شرافتده ساچان
گردن اسلامیدن زنجیر بیدادی آچان
کاخ ظلمی ائلیین ویران سلام اولسون سنه
.
.
#حائرم بولمم ندن روز وصالین چکدی طول
کربلانین حسرتینده قالموشام زارو ملول
روسیاهم لیک ای صاحب کرم ائتسن قبول
من حقیر و عاصیدن هر آن سلام اولسون سنه
.
.
#سبک_زینبم_جان_اوستیم (4سبک)
پخش‌کننده صوت

?: @nohe_torki