#یاحسین
.
.
.
عباس داداش زاده (فانی تبریزی)
.
.
ای شرف کون و مکان یا حسین
پیکرۀ عالمه جان یا حسین
.
ای هامی ذراتیده روح روان
جوهرۀ جان جهان یا حسین
.
عاشق اولوبدور سنه بوعالمون
قلبی کران تا به کران یاحسین
.
دولدوروب آفاقی حسین نغمه سی
ذکرون اولوب ورد زبان یا حسین
.
عالم لاهوت اولوب مسندون
ای باشی عرشه اوجالان یا حسین
.
عرشه عروج ائتماقا یوخدورسنه
قید مکان قید زمان یا حسین
.
راه حقیقتده سنون حسنووه
عاشق اولوب پیر و جوان یا حسین
.
فکر و خیالین دی وئرن روز و شب
جسمه توان روحه روان یا حسین
.
پرچم اسلام و دیانت بوگون
سنله تاپوپ نام و نشان یا حسین
.
جمله عناصر دی سنون لشگرون
کیمدی مگر شمر و سنان یا حسین؟
.
قهرین اولوب دشمنه دوزخ یقین
مهرین اولوب یاره جنان یا حسین
.
نیزه باشین وادی طور ایله دون
روشن اولوب سر نهان یا حسین
.
قانون آخوب ییرده انالحق یازوب
حقی ائدوب خلقه عیان یا حسین
.
یاندی اورک آتش هجرانووه
زینبم ای جسمیمه جان یا حسین
.
باخ باجوون ، درد و غم و غصه دن
اولدی رسا قدی کمان یا حسین
.
ماه محرم دی اولوب شیعه لر
سینه زنان اشک فشان یا حسین
.
گلدی محرم آیی اما گینه
گلمدی اول قانین آلان یا حسین
.
ایله دعا گلسون او عیسی نفس
اولدی اورک لر هامی قان یا حسین
.
گلسه اگر مهدی صاحب زمان
عالم اولار باغ جنان یا حسین
.
ایستدی طبعیم سنی توصیف ائده
دلده ولی یوخدی توان یا حسین
.
#فانی دلخسته یم احسان ایله
یاز منی ده نوحه یازان یا حسین
.
#حسینیه_مدح
#ورود_محرم
#ای_شرف_کون_و_مکان_یاحسین
#فانی_تبریزی
#ترکی
#زبدةالاشعار
نظر دهید