ای خاک کربلا سنه جان جهان گلور #ورود_کربلا_حیران

ورود به کربلا
.
.
مرحوم حیران
.
ای خاک کربلا سنه جان جهان گلور
جاندان گچوب او جان جهان میهمان گلور
.
ایلوب ندا منادی حق باش و جانیله
تسلیم اولوب قضایه شه انس و جان گلور
.
موسی کیمی او چولده مناجات ایتماقا
موسایه وارث اول ید بیضا نشان گلور
.
سالموش یانینجا شوقیله تازه جوانلارین
جانانه فدیه ویماقا لب تشنه جان گلور
.
نیزه باشندا باشیله معراج ایتماقا
سبط نبی حبیب حق لامکان گلور
.
سُکنی ایده او عرصه ده قویماز ایشیتمیشم
آلموش ِسنان و تیغ اله شمر و سَنان گلور
.
قویما کسه سو یوللارینی شمر نابکار
چوخ تشنه لبدی اصغر شیرین زبان گلور
.
بلبل صفت سکینه عمو العطش دیر
الده سو جامی اول گل باغ جنان گلور
.
راه خداده اکبرینه زینت ایلیوب
هاجر مثال لیلی غم آشیان گلور
.
ایتموش سریه قاسم ناکامی همسفر
قربان دین ایلماقا باغریقان گلور
.
اولسون عروس مرگه هم آغوش او دشتده
حسرتلریله قاسم تازه جوان گلور
.
الده سومشگی ویرماقا سو اوسته قوللارین
سقّای اهل بیت شه بی کسان گلور
.
اشرار شامه ویرماقا چادر شب و نقاب
غارت او چولده زینب بی خانمان گلور
.
.
سلطان عشق میرهدا شاه نشأتین
سویلردی کربلا یرینه گوزده اشک عین
.
.
جانان یولوندا وئرماقا چوخ جان گتورمیشم
سنبل کلاله لاله عذاران گتورمیشم
.
ایللر بویوم برابری اکبر بیوتموشم
روح مناده کسماقا قربان گتورمیشم
.
هاجر مثال طرّه لرین شانه ایتماقا
اکبر یانینجا لیلی گریان گتورمیشم
.
آلقان ایچینده اوخشاماقا نوجوانلاری
زهرا عزیزی زینب نالان گتورمیشم
.
عبّاسی یاده سالماقا امّ البنین کیمی
کلثوم دلشکسته نواخوان گتورمیشم
.
قوچلار برابری قوزی قربانی کسماقا
آلتی آیلوق اوغلوم اصغری عطشان گتورمیشم
.
عریان جنازم اوستونه ساچلار پَرَند اولا
آل رسولی زلفی پریشان گتورمیشم
.
صحرالرى دولانماقا حیران صباح و شام
قرخا یاخین اسیر بیابان گتورمیشم
.
.
#ورود_کربلا #حیران
#ای_خاک_کربلا_سنه_جان_جهان_گلور
#ترکی
#زبدةالاشعار