زبانحال حضرت قاسم (ع)
.
✍️ #زبدةالاشعار ✍️
.
🆔: @nohe_torki
.
#سبک_ای_قلم …. 5 سبک
.
محسن محمدی هشترودی
.
قاسمی سالدیلار مرکب اوستن
توپراقا ای عمو گل هرایه
وار عمو احتیاجیم بلورسن
سن کیمی باوفا آشنایه
گل عمو جان گوروم گل جمالون
قاسمه قسمت اولسون وصالون
.
.
عاشقم بسکه دیداره تیز گل
قالمیوب دورما بیر چاره تیز گل
یاره اوستن دگوب یاره تیز گل
مایلم قانلو رخساره تیز گل
ایتمرم جان زهرا گلایه
.
.
طاقتیم قالمیوب جان زهرا
غرق ایدوب قاسمی قانلو دریا
پیکریم قاندی باخسان سراپا
قانله اولموش آلوده اعضا
قالدی دیدار تیز گل بقایه
.
.
سن بحق پیمبر عمو جان
بی مروّتدی بو قوم دونان
گلسن حتماً اولار درده درمان
یاندیرور قلبیمی درد هجران
دورماقا یوخ توانیم دفایه
.
.
راضی اولما اًزه آت ایاقی
ای پناه سیزلارین حق دایاقی
غملیدور غملی هجران فراقی
سسلیور داده زهرا قوناقی
تا یئتیشسون بالان ارتقایه
.
.
مطلقاً گللرون خار الینده
قاسمون قالدی اغیار الینده
معرکه کلاً اشرار الینده
اجر و پاداش دادار الینده
تیکمیشم گوز فقط مرتجایه
.
.
کربلانی دوتوب غم غباری
ظلمله صولدی عمروم بهاری
گل آپارسین بالان افتخاری
آخرین وقته گور دلفگاری
مستجیرم عمو آشنایه
.
.
یاده سال یاد ایله مصطفانی
حقّی احیا ایدن مرتضانی
غملره توش اولان مجتبانی
میوة قلب خیرالنسانی
منّتی قوی لب عطشان فدایه
.
.
پیکریم غوطه ور قان ایچینده
یاره لی یئرده دونان ایچینده
بیر کسیم یوخدی میدان ایچینده
دلخوشام منده فتیان ایچینده
اگمدیم باش اولار تک جفایه
.
.
گوزلریم یولدا گل انتظارم
یوخ آتام قلبدن داغدارم
تنگ اولوبدور نفس بیقرارم
افتخار ایلورم جان نثارم
عاشقم بس ازلدن خدایه
.
.
حجّت حیّ منان عمو جان
گوهر گنج ایمان عمو جان
دردمندانه درمان عمو جان
طول اولاندور بو هجران عمو جان
قالدی دیدار عمو جان بقایه
.
.
“ناطقا” ئولدی شهزاده قاسم
دوشدی طوفانه آزاده قاسم
ایلدی لطف انشاده قاسم
هم باخور روز عقباده قاسم
دعوت ایلر گیداخ کربلایه
.
.
#قاسمیه #محمدی_ناطق
#قاسمیه_شهادت
#قاسمی_سالدیلار_مرکب_اوستن
#ترکی
.
✍️ #زبدةالاشعار ✍️
.
🆔: @nohe_torki
نظر دهید