مقام ومنزلت حضرت زهرا سلام الله علیها
.
.
علیرضا عباسی (احسان تبریزی)
.
.
ای خلقته سرمایه یا فاطمة الزهرا
ای در گرانمایه یا فاطمه الزهرا
لعیادی سنه دایه یا فاطمه الزهرا
سن عصمته پیرایه یا فاطمه الزهرا
شانینده گلوب ایه یا فاطمة الزهرا
.
.
زینتدی ادین عرشه اولدن اولان افضل
اولدن اولان افضل اولدن اولان اول
ایات قران اولمش شانینده سنین منزل
نوریندی سنین زهرا حقین یولونا مشعل
ای حقیله همسایه یا فاطمة الزهرا
.
.
بو نقلیدی یوخ شکیم چون حضرت صادقدن
وار ال عبایه چوخ عزت بلی خالقدن
خلق اولموشیدی بئش نور ماقبل خلایقدن
اول نوریلره محور زهرا او دقایقدن
زهراسن او معنایه یا فاطمه الزهرا
.
.
ذکر ایلر ادین هردم گلشنده کی سنبللر
عشقینده یاشیل گویچک یازدا بزنر چوللر
یاس وسمن و نرگس گوللر سنیچون گوللر
مرغان غزل خوان و جنتده کی بلبللر
سسلر دیر هر ایه یا فاطمه الزهرا
.
.
خلق اولدی سنه خاطر انسان وملکلرده
چای چشمه سولار باهم دریاده سمک لرده
ابرو مه وخورشیدو هم باد فلک لرده
عشقین اوتوروب اری اولدن اوره کلرده
خوش لحنیدی هر نایه یا فاطمه الزهرا
.
.
خلق اولدی سنه خاطر حوائله ادمده
ابراهیم و موساده عیسا ئله مریمده
مخلوق جهان یکسر جمله نه وار عالمده
لولاک حدیثیله پیغمبر خاتمده
ذات بشره مایه یا فاطمه الزهرا
.
.
قربان سنه یا زهرا سن جوهر خلقت سن
فراندا گلیب ایه سن اجر رسالتسن
هم اجر رسالت سن هم یار ولایت سن
یوم فزع اکبر سن منجی امت سن
سال باشیمیزه سایه یا فاطمه الزهرا
.
.
فرمایش ائدیب واضح بو مطلبی پیغمبر
عصمت گونیدی زهرا اولماز بو نا کس همسر
امر حق داوردی هم کفوی اولا حیدر
ساقیدی علی لیکن زهرا ده اولوب کوثر
یوخدور سنه همپایه یا فاطمه الزهرا
.
.
تزویج ایلدی نوری نوره بو سوز علتدی
بیر نور امامتدی بیر نور رسالتدی
وصل اولدی ایکی دریا ایا بونه حکمتدی
منظور بو پیونده تحکیم ولایتدی
اسلامه قوی پایه یا فاطمه الزهرا
.
.
وصفین باشا چاتماز چون چوخ حسن کمالین وار
تعریف اولونوب حقدن چوخ جاه و جلالین وار
ظلم اولدی سنه اما سینونده ملالین وار
زینب ایله کی گوردی پژ مرده جمالین وار
باشلوبدی آنا وایه یا فاطمه الزهرا
.
.
ظلمیله او ظالم کی درگاهیوی یاندیردی
چون ساغر امید مولانی جالاندیردی
حیدر اوره گین قانه دنیاده دولاندیردی
بیر ظلم ائلدی سندن مولانی اوتاندیرذی
اول پست فرو مایه یا فاطمه الزهرا
.
.
ما بین در ودیوار اول دمکی نوا ائتدین
عرش اهلی غمه باتدی طاهانی صدا ائتدین
بیلمم نه غم اوز ویردی یا فضه ندا ائتدین
قانه بویانوب سینه جان حقه فدا ائتدین
صدمه یئتیب اعضایه یا فاطمه الزهرا
.
.
ووردی قاپیا ضربت ثانیّ جفا کردار
سالدی نه حالا اولدم گل جسمی در ودیوار
محسندن ال اوزدون سن یاردی سینوی مسمار
سر پنجه ی خار ائتدی ای گل سنه چوخ آزار
ظلم ائتدیله طاها یه یا فاطمه الزهرا
.
.
اولمادی ندن ویران عالم اوچتین ساعت
دگدی قاپی پهلودن دردین ائلدی شدت
گوردون آپارور اعدامولادن آلابیعت
دوتدون اتگین دیدی قولدان گینه بیر ضربت
لعنت اولا اعدایه یا فاطمه الزهرا
.
.
کج یولدا دوروب ثانی ظلمه او وئریب فرمان
حق یولدان آزیب چخدی اول مردم بی ایمان
دوشدی خطره اوندان چون عترتیله قرآن
حق خلقته بیلمیبله ایلوبدی سنی(احسان)
ای خلقته سرمایه یا فاطمه الزهرا
.
.
نظر دهید