ای دردی اولان نسگل آفاقه بالام لایلای #اصغریه_انور_اردبیلی

شهادت حضرت علی اصغر(ع)
.
#زبدةالاشعار
.
: @nohe_torki
.
#سبک_یاران_چه_غریبانه #سبک_آی_گویده_کی_اولدوزلار #سبک_ای_شمع_حرمخانه … #سبک_آتدان_یره_چون_دوشدی
.
.
مرحوم انور اردبیلی
.
.
ای دردی اولان نسگل آفاقه بالام لایلای
چالما الوی تزتز قونداقه بالام لایلای
.
.
دل اولمادی قلبونده قالدى سنون اسرارون
توحیده بو قانیله اولدی ولی اقرارون
گهواره ده اولمشدی پژمرده دوداقلارون
اوخشاردی خزان گورموش یپراقه بالام لایلای
.
.
گورجک اوخی حلقونده سو دوشدی خیالوندن
پیکانی آتون چکدی ال چکدی وصالوندن
نقاش زمان آغلار تصویر ملالوندن
چکسه یاراوون عکسین اوراقه بالام لایلای
.
.
اوخ اؤپدی بوغازوندن آرام ایلدی یاتدون
قانون سنون احیایِ اسلام ایلدی یاتدون
مظلوم آتاوون حقّین اعلام ایلدی یاتدون
مخصوصیدی بو قانون خلّاقه بالام لایلای
.
.
گهواریوی ترک ایتدون اولدی بوغازون یاره
قبریمده اولار امّا سینم سنه گهواره
مقصودیمه من یتدوم قالدی آنون واره
تأثیر ایلدی آهیم نُه طاقه بالام لایلای
.
.
گلچین اجل گلدی عمرون گلنی دردی
مأیوس ایلدی اوغلوم دشمن منی قیتردی
تأثیر ایلیور الان مظلوم آتاوون دردی
هر قطره سو هر ذرّه تپراقه بالام لایلای
.
.
ثبت اولمشیدی آدون ذرّ عالمی پیماندا
اکبر کیمی آلقانون آخسون بو بیاباندا
اوخ دگدی سنه اوغلوم چالدون ال ایاق قاندا
شوقیله عمل ایتدوم میثاقه بالام لایلای
.
.
دلباختۀ عشق حقّم بونا یوخ صحبت
امکانیمی من ویردوم جانانیمه بی منّت
عشق عالمی البّته جام محن و محنت
شیرین و گوارادور عشاقه بالام لایلای
.
.
#اصغریه_انور_اردبیلی
#اصغریه_شهادت
#ای_دردی_اولان_نسگل_آفاقه_بالام_لایلای
#ترکی #انقلاب_کربلا
.
#زبدةالاشعار
.
: @nohe_torki