زبدةالاشعار

یوخ بو لشگرده وفا گِتمه بو میدانه برادر #اکبریه_حقیر_خویی

زبانحال حضرت سکینه(س) به برادرش
.
✍️ زبدة الاشعار ✍️
.
🆔: @nohe_torki
.
مرحوم میرزا عبدالوهاب حقیر خویی

.
#سبک_لایلای_ای_جبهه_لرین
.
یوخ بو لشگرده وفا گِتمه بو میدانه برادر
حیفدور زلف سیاهون باتا القانه برادر
.
.
سنه گوز تیکمیشم عالمده من ای ماه مدینه
قورخورام آلسون الیمدن سنی بو لشگر کینه
اؤزون انصاف ائله سندن صورا بیچاره سکینه
نجه تاب ایلسون آیا غم هجرانه برادر
.
.
گورونور رمزیله سنده بوگون آثار شهادت
وَ فَدَیناه بِذِبح آیه سی عنوانی دلالت
نقش ائدوب لوح جبینونده مگر خامهٔ قدرت
شرح معنایه ائدر آیه ی قربانه برادر
.
.
مدّ بسم اللهه تشبیه اولور ابروی هلالون
سرّ والّیل دی زلف آیهٔ والشّمس جمالون
طرف رخسار جبینه دوزولن هاشمی خالون
دوزولوب نقطه صفت صفحهٔ قرآنه برادر
.
.
آیهٔ نور اولوب خطّیله مسطور یوزونده
حسن صورتله تجلّی ائلیوب نور یوزونده
طلعت حُسن پیمبر اُولی منظور یوزونده
پرتوی عکس سالوب مهر درخشانه برادر
.
.
خطّ مشگین ورق مصحفده زلف معنبر
سطر اوّلده اولوب سورهٔ الحمد مُصدّر
واردی چون نقطه ی توحید الف لامده مضمر
والضّحی شرحیده داخلدی بو عنوانه برادر
.
.
حیف کم تیغ عدودن یته جاق حسنوه نقصان
داغیلور جلد ورق پاره لنور صفحه ی قرآن
متن آیات مترجم قلم اوخ شرح قزل قان
آیه ی قتل گلور سوره ی عمرانه برادر
.
.
تیغیله مدّ مطلّا چکلر فرق سروندن
مصطفی معجزی ظاهر اُولی شقّ القمروندن
قان آخار بدر جمال اوسته سیه طرّه لروندن
شفق سرخ اُولی حایل مهِ تابانه برادر
.
.
منه رحم ایله که بی رحمیدی بو قوم ستمگر
جمله قان توکماقا آماده دوروب لشگر کافر
تشنه دور قانوه گور شمر چکوب قتلیوه خنجر
بو بیابانیده وئرمزله سو عطشانه برادر
.
.
گلور ای مونس جانیم سنه عالمده گمانیم
سنه وابسته دی روحیم منیم ای روح روانیم
اوجالور گوگلره نالم چخار افلاکه فغانیم
زلف مشگینوی گورسم بویانوب قانه برادر
.
.
گر شهید ائتسه برادر سنی بو لشگر عدوان
منیده اؤلدورور آخر بولورم محنت هجران
ائدرم ناله و افغان گَزَرم چوللری حیران
غم هجرانه دؤزنمز دل دیوانه برادر
.
.
باغلیدور رشته ی جان سلسلهٔ مشک فشانه
اورگیم قانه دونر باتسا اگر بیر تِلی قانه
روحیسن جسمیمه جسمین چون اولور الفتی جانه
عاشق سوخته ی شمعیدی پروانه برادر
.
.
من ره عشقیده ثابت قدمم رسم وفاده
گئده گر قانلی باشون شامن کیمی نوک جداده
قوللاریم باغلی دالینجا گزرم منده پیاده
اولا گر شامیده منزل منه ویرانه برادر
.
.
منیم احوالیمه هر کیم اولا محزون و مکدّر
نه روادور عرصات ایچره گورر پرسش محشر
نسبتی واردی«حقیرین»اؤزوم اوللام اونا یاور
قویمارام حشریده هرگز یانا نیرانه برادر
.
#اکبریه_حقیر_خویی
#اکبریه_شهادت #ترکی
#یوخ_بو_لشگرده_وفا_گتمه_بو_میدانه_برادر
.
.
✍️ #زبدةالاشعار ✍️
.
🆔: @nohe_torki

متن پیشنهادی:  ای علی المرتضانین یادگاری، هارداسان گل #مهدیه_احمدیان_خسروشاهی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی