زبدةالاشعار

ای دشت بلاده سرسپاهیم وی شیر حقه نشانه قارداش #عباسیه_هوشی_تبریزی

وداع حضرت ابوالفضل علیه السلام
.
✍️ زبدة الاشعار ✍️

?: @nohe_torki
.
مرحوم غلامعلی باقری الهامی (هوشی)
.
ای دشت بلاده سرسپاهیم
وی شیر حقه نشانه قارداش
گل بو قوری مشگی آل فراته
تعجیلیله اول روانه قارداش
.
.
تحصیل ایله خردا قیزلار
رنگی ساری گول کیمی سارالدی
دین گلشنی سوزش عطشدن
آز قالدی دونه خزانه قارداش
.
.
ای عارضی رشگ مهر و ماهه
باخ اهل حرمده داد و آهه
گیت نهر فراتی خیمه گاهه
بو دمده ایله روانه قارداش
.
.
سولموش بو رقیّه نین دوداقی
تالانه گیدوبدی صبر طاقی
وار بیر نچه تشنه لب قوناقی
گلموش هاموسی فغانه قارداش
.
.
بیر چولده که بو حرارت اولسون
دلده نجه استقامت اولسون
قویما بالانی خجالت اولسون
گر سو گلوری گمانه قارداش
.
.
ای آل پیمبرین رجاسی
بو قامتووین اولوم فداسی
خرگاهیدن العطش صداسی
اوج ایلوری آسمانه قارداش
.
.
ای صولتی مرتضایه تالی
بو گونده منه آتام مثالی
گیت صولت شیر لایزالی
بو چولده گتور عیانه قارداش
.
.
گر چه سنه گیت دیور زبانیم
یوخ فرقتیوه ولی توانیم
سندن داخی غیره یوخ گمانیم
همدرد بو باغریقانه قارداش
.
.
سنسن منه بیر امیر لشگر
بیر هنگه بو دشتیده برابر
بوللم که سنون کیمی برادر
گلمز داخی بو جهانه قارداش
.
.
سن مایۀ شأن و شوکتیمسن
هر غمده شریک محنتیمسن
سرمایۀ جاه و عزّتیمسن
بیر عزّت جاودانه قارداش
.
.
ای کبش کتیب بی مثالیم
گیتسن پوزولار منیم جلالیم
آرتوخدی بوگون غم و ملالیم
باخ دیدۀ خونفشانه قارداش
.
.
بوللم که وار اوزگه بیر سیاقون
وار دلده بیر عالی اشتیاقون
گتسن ولی دوندرر فراقون
بو قامتیمی کمانه قارداش
.
.
ای عترتیمین امید گاهی
برج شرفین ایشقلی ماهی
تک قویما بوگون بوبی پناهی
باخ فرقۀ کوفیانه قارداش
.
.
ای قامتی سرو رشگ و حسرت
وی سایه سی اهل بیته عزّت
سنسیز بولورم بو آل عصمت
حسرت قالی سایه بانه قارداش
.
.
(هوشی) گلی نی کیمی نوایه
ایلر یوزه اشگینی روانه
تیکموش گوزونی بو دودمانه
لطف ایله او نوحه خوانه قارداش
.
.

متن پیشنهادی:  ائلیکه اولدی شب بیست و یکم رمضان #حیدریه_معزی_اردبیلی

#سبک_قارداش_یارالی_باشیم_قالوبدور
.
#عباسیه_وداع
#عباسیه_شهادت
#ای_دشت_بلاده_سرسپاهیم
#هوشی_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی