ای دفنی گجه زمانی گیزلین #فاطمیه_صحاف_تبریزی

زبانحال حضرت امام زمان (عج) در غم حضرت زهرا (س)
.
.
.
مرحوم محمد حسین جنتی مقام ( صحاف تبریزی )
.
ای دفنی گجه زمانی گیزلین
ایام وفاتی قبری ایتگین
.
یانّام آنا اود جهانه سالّام
بیر گون گلر انتقامین آلّام
.
.
.
مین ایلدی آنا غمونده یانّام
رنگ غم و محنته بویانّام
گوز یاشلی بو چوللری دولانّام
یانّام آنا اود جهانه سالّام
بیر گون گلر انتقامین آلّام
.
.
حسرتله باخوب بو ذوالفقاره
گوز یاشیم آخار آنا عذاره
بو دردی آپارمارام مزاره
یانّام آنا اود جهانه سالّام
بیر گون گلر انتقامین آلّام
.
.
گر اذن ظهوره ویرسه خالق
گَلَّم هامی مشکلاته فائق
قویمام قالا زنده بیر منافق
یانّام آنا اود جهانه سالّام
بیر گون گلر انتقامین آلّام
.
.
جدّیم آنا ایلینده رحلت
تاپشوردی سنی او گون امانت
امت سنه یاخشی قویدی حرمت
یانّام آنا اود جهانه سالّام
بیر گون گلر انتقامین آلّام
.
.
یاددان آنا هئچ چخارتمارام من
یاندوردی قاپون اوگون که دشمن
ئولدوردوله ئولمدون اوزون سن
یانّام آنا اود جهانه سالّام
بیر گون گلر انتقامین آلّام
.
.
گر شرح ایله سَم بو ماجرانی
فریاده گتورَّم انبیانی
ئولدوردی سنی یخاندا ثانی
یانّام آنا اود جهانه سالّام
بیر گون گلر انتقامین آلّام
.
.
بیر حامله غم کشیده عورت
اوچ یوز نفر اشقیای امت
بیردن توکوله نولار او ساعت
یانّام آنا اود جهانه سالّام
بیر گون گلر انتقامین آلّام
.
.
هرگز آنا آتمارام نظردن
ضربیله قاپی آچیلدی بیردن
سقط اولدی بالان او ضرب دردن
یانّام آنا اود جهانه سالّام
بیر گون گلر انتقامین آلّام
.
.
باتدون آنا ظلم الیله قانه
اوج ائیلدی آهون آسمانه
قنفذ سنه ووردی سنه تازیانه
یانّام آنا اود جهانه سالّام
بیر گون گلر انتقامین آلّام
.
.
سندی قولون اولدی گوزیاشون قان
هیهات چخا او ظلم یاددان
سیلی هارا سن هارا آنا جان
یانّام آنا اود جهانه سالّام
بیر گون گلر انتقامین آلّام
.
.
چخدون آنا سن ایله اوزوندن
خوناب دلون آخوب گوزوندن
سیلی یری گئتمیوب یوزوندن
یانّام آنا اود جهانه سالّام
بیر گون گلر انتقامین آلّام
.
.
مسمار جفاسین ایله سَم فاش
جدیم توکه جاق عذاره قانیاش
دنیانی خراب اولیدی ایکاش
یانّام آنا اود جهانه سالّام
بیر گون گلر انتقامین آلّام
.
.
بیر کس سنه ائتمدی حمایت
هرگز دئمدی آنا او ساعت
زهرا سیزه نیلیوب جماعت
یانّام آنا اود جهانه سالّام
بیر گون گلر انتقامین آلّام
.
.
دوشدون ائله درد بی دوای
دردون دئمه دون شه ولایه
سن فضه نی سسلدون هرایه
یانّام آنا اود جهانه سالّام
بیر گون گلر انتقامین آلّام
.
.
گل فضه شرار ظلمه یاندوم
هر ظلم و ستم یتیب دایاندوم
سقط اولدی بالام قانا بویاندوم
یانّام آنا اود جهانه سالّام
بیر گون گلر انتقامین آلّام
.
.
سن صبر آنا هر بلایه ائتدون
صبریله مقام قربه یتدون
پهلوسی شکسته قبره گتدون
یانّام آنا اود جهانه سالّام
بیر گون گلر انتقامین آلّام
.
.
مین اوچ یوز ایلی آنا مُسَلَّم
دفنون کیمی قبرون اولدی مبهم
بو نسگله آغلار اهل عالم
یانّام آنا اود جهانه سالّام
بیر گون گلر انتقامین آلّام
.
.
مظلومه آنا سنون مُبَرهَن
آثاریوی محو ایدوبدی دشمن
قبرون اوزوم ایلرم معین
یانّام آنا اود جهانه سالّام
بیر گون گلر انتقامین آلّام
.
.
گوز یاشلی ملول و دلشکسته
چون طایر پرّ و بال بسته
سالّام اوزومی او قبرون اوسته
یانّام آنا اود جهانه سالّام
بیر گون گلر انتقامین آلّام
.
.
باخدوقجا بو ظلم بی حسابه
آهیم ایدر اوج نه قبابه
قبرون گوره بُلمرم خرابه
یانّام آنا اود جهانه سالّام
بیر گون گلر انتقامین آلّام
.
.
اولماز گُنَهِ بو ظلمه قانع
زواریوه ده اولولا مانع
رخصت ویره گر ظهوره صانع
یانّام آنا اود جهانه سالّام
بیر گون گلر انتقامین آلّام
.
.
#صحاف بو ظلمه چکمه پرده
قویماز قالا حق بو ظلمی یرده
یاز حجت حق دلینجه بیرده
یانّام آنا اود جهانه سالّام
بیر گون گلر انتقامین آلّام
.
#سبک_قارداش_یارالی_باشیم_قالوبدور
.
.
.