ای دل بیدار دینن یاعلی #حیدریه_سیفی_اردبیلی

ذکر و توسل به امیر خیبر علی (ع)
و #گریز به #قتلگاه کربلا
..
..
..
..
..
سیفی اردبیلی
..
..
..
..
..
ای دل بیدار دینن یاعلی
حقه قیل اقرار دینن یاعلی
دینوه اول یار دینن یاعلی
دشمنی قیل خوار دینن یاعلی
..
..
..
..
..
باده ی حقدن ایله مستانه لیک
قیل شرر وصلیده پروانه لیک
معرفت عشقیدی دیوانه لیک
تا نفسون وار دینن یاعلی
..
..
..
..
..
رهبر دین شاه نجفدور بیزه
گویچک آدی شان و شرفدور بیزه
ویردیگی دستور هدفدور بیزه
ور دَمِ ایثار دینن یاعلی
..
..
..
..
..
بارش غم واردی بو گون ابریده
ای دل اوتورما قفس صبریده
باش یارالی یاتدى على قبریده
سنده عزادار دینن یاعلی
..
..
..
..
..
خطّ محن صفحۀ دامانه ور
خون جگر سُرمه سی مژگانه ور
حلقه ی حاجت در لقمانه ور
دیده سی خونبار دینن یاعلی
..
..
..
..
..
گنج ولادن در شهواری آل
گوزیاشی ویر یوسف بازاری آل
باخ سوزومه نسخه ی بیماری آل
صدقیله یالوار دینن یاعلی
..
..
..
..
..
خبره لیگ ایت مشتری مطلب اول
قندیله طوطی کیمی شیرین لَب اول
یاس گونی دی هم نفس زینب اول
زار و دل افکار دینن یاعلی
..
..
..
..
..
گریز
..
..
..
..
..
صبر ایله قوی مهر و وفادن دیوم
آل سوزومی کرب و بلادن دیوم
ماتم حیدرده چاغیر یاحسین
مروه ندور قانلی منادن دیوم
..
..
..
..
..
ایستمورم چوخ سوزی باشدان یازام
بوشلیام انگشتری قاشدان یازام
ایندی دوروب بوردا امام زمان
خوشدی اتکلرده که داشدان یازام
..
..
..
..
..
گورمیوب عالم بیله بیر کارزار
بیر قوجالان سید اوتوزمین سوار
اوندا که سسلندی دوداقیم یانور
سو یرینه آلننا داش وردیلار
..
..
..
..
..
نوحیدی حق، کشتی طوفان حسین
مقتلى مذبح، ئوزی قربان حسین
قاتله باخ، عاشقه باخ، صبره باخ
آلنین ئوپن داش دیدی جان جان حسین
..
..
..
..
..
دوشدی محاقه رُخ ناموس دین
حضرته پیکار اولوب چوخ چتین
ایستدی گوزدن سیله القاننی
وردی کناره عربی کوینگین
..
..
..
..
..
پرده اولوب کعبه نون اوستن کنار
آینه تک سینه اولوب آشکار
سینه دیمه گولدی گورر حق گورن
اوندا پیمبر لبینون نقشی وار
..
..
..
..
..
آزدی زمان نیلوم اورک دردی چوخ
نوحه م آچیق دوشسه ده بیگانه یوخ
آینیه دوشدی برعکس کمان
نقش لب احمده دگدی بیر اوخ
..
..
..
..
..
قویما دوشه فکروی گمراهیه
حقّیدن اوخ دوشمدى بیراهیه
حرمله کیمدور، دیدی جانان اوخا
قبر قازا سینه ده شش ماهیه
..
..
..
..
..
گرچه بو غم مشکل اولوب حضرته
ویردی رضا عشقیده که محنته
ظاهراً اوخدور دیدی سینمده که
باطنى مفتاح دَرِ جنّته
..
..
..
..
..
خبره یانندا اوخورام شعر خام
تیری چکنده کوره گیندن امام
لرزه دوتوب مقتلی گهواره تک
فاطمیه ایتدی قیامت قیام
..
..
..
..
..
سسلدی ای عاشق یزدان اوغول
جدّى ئوپن لبلری عطشان اوغول
آچ گوزوی بیر ننه سسلن منی
پارچالانان سینوه قربان اوغول
..
..
..
..
..
ای شرف عالمه زیبا سلیل
ای ره معبودیده صابر خلیل
من دیدیم آخ سن اوخا ناز ایلدون
ایتدی زیارت یاروی جبرئیل
..
..
..
..
..
آی قره پرچم قره کوینک یاشا
قیمتی زهرادی ویرن گوز یاشا
قویما یورولسون اوره گون نوحه دن
سوز بو نچه بندیله گلسون باشا
..
..
..
..
..
عار اولا اشرار جبین پینیه
قان جالادی کینه ی دیرینیه
یادوه سال قان بورین مقتلی
گور کیم ایاق قویدی یانان سینیه
..
..
..
..
..
عشق ایوینه زینب اولوب رهسپار
باخدی بلا منظرینه بیقرار
سویلدی هاردان یارالاندون حسین
بوردا ننم فاطمه نون عطری وار
..
..
..
..
..
گوردی قزل قاندا تن دلبری
قاتل اولوب باشینون اوسته جری
الده ویرر خنجره تز تز تکان
سندرور آئینه ی پیغمبری
..
..
..
..
..
زین او فرزند امیر کریم
قاتله سسلندی اوتان ای لئیم
من بو گولون محرمی ام دوش یره
قوى یارالانمش سینه دن اوخ دریم
..
..
..
..
..
#حیدریه #سیفی_اردبیلی #حیدریه_مدح #حیدریه_شهادت #ترکی #زبدةالاشعار #یاعلی