ای دل گؤز آچ اویان کئچیب عمر جوان هانی #پندیات_قمری

ختم خوانی
پندیات
.
زبدة الاشعار
.
: @nohe_torki
.
مرحوم قمری
.
ای دل گؤز آچ اویان کئچیب عمر جوان هانی
بئل باغلاما جهانه وفای جهان هانی
.
هر قرنده دولار، بوشالار، کاروان کئچر
بو کاروانسرایه گلن کاروان هانی
.
بئش گون قالیب تمام دل آزرده گئتدیلر
بیر باخگیلان او قافله لردن نشان هانی
.
چوخ گلشنی خراب ائلدی صرصر خزان
بلبل هانی او گوللر هانی گلسِتان هانی
.
چوخ سرو باش چکیب فلکه باغ عمرده
اول باغ عؤر نولدی ، او سرو روان هانی
.
توپراق دولوب او باشلارا، اگمزدی چرخه باش
اعضا هانی ، جسدهانی، جسمیله جان هانی
.
چوخ نازنین لری چکیب آغوشه مار و مور
توپراق ایچینده اونلاری یاده سالان هانی
.
نولدو زمانه ایچره اولوالعزم انبیا
فکر ایله گؤر تمام ملوک کیان هانی
.
هئچ قویمیوبدی بیر داشی داش اوسته بو فلک
ویرانه اولمویان دئ گؤروم خانمان هانی
.
چوخ ائولری داغیتدی بو دوران روزگار
آل عبا کیمی قاپیسی باغلانان هانی
.
چوخ طویلاری جهاندا فلک یاسه دؤندریب
قاسم تک اللرینه حنا قان یاخان هانی
.
چوخ نوعروسی چرخ ایلییبدی قرا دوداق
اما دوداقی قانیله الوان اولان هانی
.
دامادیلر زمانه ده چوخ نامراد اولوب
اعضاسی خنجریله سوسوز دوغرانان هانی
.
داماد کربلا تک الی دیمییب اله
چؤللرده نعشی اوچ گئجه عریان قالان هانی
.
آل علی مصیبتینی نظمه چکمه یه
هئچ ذی نفسده طاقت شرح و بیان هانی
.
تاحشر اولونجا هر ائشیدن ناله سین دئیر
بزم عزاده «قمری» شیرین زبان هانی
.
.
#پندیات
#ای_دل_گؤز_آچ_اویان_کئچیب_عمر_جوان_هانی
#ترکی
.
#زبدةالاشعار
.
: @nohe_torki