الله مگر عطشان کسر قربان کسنلر

نوحهٔ ذبح قربانی
اشاره به قربانیان کربلا
.
✍️ زبدة الاشعار ✍️

?: @nohe_torki
.
علیرضا حضرتی
.
الله مگر عطشان کسر قربان کسنلر
قربان کسنده سو وئرر قربان کسنلر

.
گؤرسم بیری قربان کسور قلبیم اولار قان
غم غصه دن حالیم اولار زار و پریشان
زهرا فداسین کسدیلر لب تشنه قربان
عالملره سالدی شرر قربان کسنلر

.
گؤرسم بیری قربان کسور دل داغلارام من
گؤزیاشیمی سولموش عذاره باغلارام من
ایوای حسینیم وای دیوب قان آغلارام من
نوحه ائدللر خون جگر قربان کسنلر

.
بو رسمیدور قربان کسن وقته الهی
قربان کسن گؤزلر کسنده قبله گاهی
اما سالوبدی شمر اوزی اوسته او شاهی
هاردا بئله ظلم ایلیر قربان کسنلر

.
قربانلیقا ائتمزله یارب چوخ اذیت
بیر ضربتیلن قورتاراللار ذبحی راحت
ویردی حسینه شمر اما یدی ضربت
آغلار بو غمدن دیده تر قربان کسنلر

.
مرغ خیالیم پر آچار کرب و بلایه
هردم گلر درد و مصیبتدن نوایه
افغان ائدر دوشجک گؤزی قتنلی منایه
چوخ سنگ دلدور چون گؤرر قربان کسنلر

.
قربانلاری کرب و بلانون بی مثلدی
اما هامیسیندان علی اکبر گوزلدی
قانلی عباده عرصه دن اخیامه گلدی
چون دوغرامیشدی سربه سر قربان کسنلر

.
بیر سود امر قربان ائدوب دنیانی نالان
نازلی بوغازین بولدی بیر اوچ شعبه پیکان
عطشان دوداقین ایسلادوبدی قرمزی قان
اول غملی احواله گولر قربان کسنلر

.
اوردا اوگون یتمیش ایکی قربان کسیلدی
یتمیش ایکی قربان هامی عطشان کسیلدی
توز باتدی او صحراده چون طوفان کسیلدی
اؤزگه جنایت ائتدیلر قربان کسنلر

.
اول چولده ظلم کوفیان عرشه دایاندی
باشلار ویریلدی نیزیه یارب اماندی
آتلار ایاقی آلتدا پیکر لر تالاندی
زهرانی ائتدی جان به سر قربان کسنلر

.
#سبک_ای_درد_بی_درمانلارا (بیش از 10 سبک ، با اضافه کردن واگیر های مناسب)

.
#عید_قربان
#الله_مگر_عطشان_کسر_قربان_کسنلر
#حضرتی_ناعمی
#ترکی
.
✍️ #زبدةالاشعار ✍️

?: @nohe_torki