زبدةالاشعار

ای دوشن درگاهیوه مهر و مه و اختر دخیل #حیدریه_علی_شهودی

یا حضرت حیدر دخیل
.
.
علی شهودی
.
.
ای دوشن درگاهیوه مهر و مه و اختر دخیل
الدّخیل ای شاه مردان خواجۀ قنبر دخیل
.
من غلامم اول شهنشاه فلک درگاهه کی
آستانیندا دوشوبدور کهتر و مهتر دخیل
.
بارگاهیندا چکیبدیر صف سلاطین جهان
خاک کوینده اولوب تاج سر و افسر دخیل
.
سلسبیل و زمزم و آب حیات آخدیقجا باخ
جملگی سسلر دییر ای ساقی کوثر دخیل
.
ایستیر هر پهلوان کی مکتبیندن فیض آلا
باغلایار اول درگهه چون مالک اشتر دخیل
.
جان عالم لر فدا اول رهبر والایه کی
عالم آرا نورینه اولموش پیمبرلر دخیل
.
موسی و عیسی و نوح و صالح و یعقوب و هود
یوسف و الیاس و ابراهیم پیغمبر دخیل
.
موجلی دریاده تاپدی بطن ماهی ده قرار
اولدی نام پاکینه چون یونس مضطر دخیل
.
ذوالفقارین اویناداندا صفحه هیجاده چون
موج وحشتدن دوشردی توپراغا لشکر دخیل
.
شاه گئتمیش سجدیه،محرابی دولموش قانیلان
پارچالانمیش فرقه دوشموش مسجد و منبر دخیل
.
روز و شب سسلر شهودی حال زاریلن دییر
دوشموشم درگاهینا یا حضرت حیدر دخیل
.
#حیدریه_علی_شهودی #حیدریه_مدح #حیدریه_شهادت #ترکی #زبدةالاشعار

متن پیشنهادی:  بو گونده اولدی عیان نور احمد محمود #17ربیع_حامد_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی