یا مهدی
.
#زبدةالاشعار
.
: @nohe_torki
.
کربلایی رحیم فیضی اردبیلی
.
ای دیلیم عالمه سَروَر گله جک شکّ ائلمه
مهدی آل پیمبر گله جک شکّ ائلمه
.
قالمیوب قالمیاجاخ ارض و سما حجّت سیز
حجّت خالق داور گله جک شکّ ائلمه
.
او که نوریله منوّردی سمالر هاموسی
ائتمگه ارضی منوّر گله جک شکّ ائلمه
.
حضرت فاطمه نین قانین آلاندور بو آقا
وارث فاتح خیبر گله جک شکّ ائلمه
.
پرچم سرخ حسینی آلاجاق اللرینه
پسر شافع محشر گله جک شکّ ائلمه
.
ریشه کن ائتمگه ظلم و ستم و تبعیضی
یَلِ بی باک و هنرور گله جک شکّ ائلمه
.
منتظر قالماق او مولایه عبادتدی ئوزی
اهل عشقه دل و دلبر گله جک شکّ ائلمه
.
قالسا بیرگونده فنا عالَمین عمروندن اگر
عالَم و آدمه رهبر گله جک شکّ ائلمه
.
اعتنا ایلمه ایمان داغیدان شبهه لره
(فیضیا) شیعیه یاور گله جک شکّ ائلمه
.
آللهین مصلحتی هانسی گون ایجاب ایلسه
ای دیلیم عالمه سَروَر گله جک شکّ ائلمه
.
.
.
#مهدیه_فیضی_اردبیلی
#ای_دیلیم_عالمه_سرور_گله_جک_شک_ائلمه
#ترکی
.
#زبدةالاشعار
.
: @nohe_torki
نظر دهید