عرض اردات به محضر حضرت امام رضا علیه السلام
.
✍️ #زبدةالاشعار✍️
.
🆔: @nohe_torki
.
.
حاج اسماعیل فرشی ازهر(غمخوار تبریزی)
.
.
ای ذات حقّین آیتی یا ثامن الحجج
جنّت اولان ولایتی یا ثامن الحجج
.
.
معیار شیعه لیقدی جهاندا ولایتون
مزدی جناندی طوف مزاره زیارتون
گوندن ایشقدی عالمه لطف و کرامتون
سنسن ویرن حاجتی یا ثامن الحجج
.
.
حبُون ولایت اهلینه عمده فریضه دور
قالماز بِلا جواب یتن هر عریضه دور
آدون شفای هر مرض و هر مرضه دور
وار هرکیمین درایتی یا ثامن الحجج
.
.
مغبوندور زیارتیوه کیم که گیتمیوب
عالم اگر اونون دا اولا کامه یتمیوب
هر کیم گلوب یقینا الی بوش قیتمیوب
پربار اولوب زیارتی یاثامن الحجج
.
.
گمره لرین جهانیده سن رهنماسی سن
هر درد بی دوانین آقا سن دواسی سن
سن پارۀ تن پیمبر و زهرا رضاسی سن
وار مرتضی کرامتی یا ثامن الحجج
.
.
سنسن نوازش ایلین هر میهمانیوه
سنسن یغان غنیّ و فقیری یانیوه
سنسن تیکن بو گوزلری او آستانیوه
وار سنده حق جلالتی یا ثامن الحجج
.
.
سنسن سپهر معرفت و عشقیده هلال
سنسن هامی سلاطین آرا صاحب جلال
سن خارج ایله سن هامودان مِحنَت و ملال
جلب ایله سن رضایتی یا ثامن الحجج
.
سنسن جهانیده بولن هر دلسیزین دلین
سنسن آچان مُحبّلرین عُمده مُشکلین
سنسن کس و پناهی غریبله مسکینین
بوخ لطفوون نهایتی یا ثامن الحجج
.
.
سن قویماسان بو گوزلری غم اشکینه دولا
سن قویماسان امید گلی غصه دن سولا
کیم آچسا ال سنه الی بوش سالماسان یولا
نیمه نگاه اولار کفایتی یا ثامن الحجج
.
.
هرحُسن خُلقی سنده قویوب حق حیّ لَم یزل
ای مظهر کریم و کرامتده بی بدل
جنّتدی بارگاهویله سن یاتان مَحّل
یاده سالاندی جنّتی یا ثامن الحجج
.
.
شهلرسنون قاپوندادی بیرکمترین غلام
سن گرغلام حساب ایده سن فخرایدرمدام
مأیوس ایتمه سن ویره هرکیم سنه سلام
وارسنده حق اجابتی یا ثامن الحجج
.
.
عازمدی لطفوویله بو(غمخوار) کعبیه
سن ویرموسن برات زیارت مدینیه
آلدیم اوگون براتیمی زهرا دیه دیه
ویرباشه بوعنایتی یا ثامن الحجج
.
.
#رضویه_غمخوار
#رضویه_مدح
#ای_ذات_حقین_آیتی_یا_ثامن_الحجج
#ترکی
.
✍️ #زبدةالاشعار✍️
.
🆔: @nohe_torki
نظر دهید