ای ذوالجناح کاشف اسرار دین هانی #حسینیه_دلپاک

ذوالجناح
..
..
رضا غلامپور (دلپاک)
..
..
ای ذوالجناح کاشف اسرار دین هانی
گنجینهٔ امامت در ثمین هانی
..
..
قرآن ناطق آیهٔ یزدان لم یزل
بو نهضت مقدّسَه اندیشه سی علل
حکم کتاب منزلَه آیینهٔ عمل
تأویل “یا” بیان ائله تفسیر “سین” هانی
..
..
قندیل بارگاه همایون ذوالجلال
جنس وجودی عنصر مکشوفۀ کمال
آیینهٔ صداقت مصداق بی مثال
انگشتر جلالت غالی نگین هانی
..
..
خیل نفوس هادی حق منشأ نجات
ارباب فیض محرم سرّ سرادقات
تشنه شفاهی آب بقا چشمهٔ حیات
یعنی حسین ملک عطاده مکین هانی
..
..
گوزده سرشک آلون آلیر مندن اختیار
هر قطرسینده بیر یم محنتدی آشکار
بیر دم فقط بو بحر خروشاندان اول کنار
آندور منه قرابت حقّ قرین هانی
..
..
میعاد گاه عهدیده ای با وفا فرس
اولما گلی حصاره سالیب فوج خار و خس
بند اولمیوبدی سینه ده تا طائر نفس
سویله حسین عزیز رسول امین هانی
..
..
شرح ملال قلبیدی عارضده گوزیاشیم
زلف سپیده صاحب اولوب غصّه دن باشیم
هاردا یخیلدی سویله منه تشنه قارداشیم
بیر عمر غملی زینبه یار و معین هانی
..
..
نه تک عیاندی سرّ ضمیریم زبانیله
تنها نه فاشیدور بو ملالیم بیانیله
بلکه دله گلوبدی وجودیم زبانیله
سویلور ملالی باعث آه و انین هانی
..
..
سندن عیاندی عرصۀ پیکار و رزم و جنگ
معلومیدور نقدری اولوب عرصه شاهه تنگ
جسمون دئیر کی جسمینه سایسیز دگوب خدنگ
آماج تیر عرصه گهه قوم کین هانی
..
..
شیحه سسون خیامه امام گلن زمان
حس ائتدی اهل بیتی گلور شاه انس و جان
امّا سنی گورنده بو حالیله ناگهان
مندن سوروشدولار بس امام مبین هانی
..
..
چون عرصه گاهه ظلموده بو حاله قالمیسان
یکسر وجوده صبری وجودومدان آلمیسان
سویله عزیز فاطمه نی هاردا سالمیسان
زهرا عزیزی زینت عرش برین هانی
..
..
گئتدون گئدنده رزمگهه شهریاریله
تک گلمیسن خیامه ولی انکساریله
گورجاق سنی سکینه دئدی آه و زاریله
عمّه بابام شهنشه ملک یقین هانی
..
..
بو قان کی کاکلوندن آخیر سطح تربته
چکدی گورن زمان منی وادیّ حیرته
بولدوم حسین قانیدی دوشدوم ملالته
سندن سوروشمارام داخی سلطان دین هانی
..
..
«دلپاک» امام عصر ظهور إئتمیوبدی تا
ختمه محالیدور یئته غوغای کربلا
هر عصریده عیاندی همان ظلم کربلا
هرگز دئمه که لشکر قوم لعین هانی
..
..
#حسینیه #دلپاک #حسینیه_شهادت #ترکی #زبدةالاشعار