زبانحال حضرت زینب(س) در شهادت حضرت رقیّه (س)
.
✍️ #زبدةالاشعار ✍️
.
🆔: @nohe_torki
.
محسن محمدی هشترودی ( ناطقی )
.
ای رقیّه ای منی آغلار قویان آچ گوزلرون
قلبمی قان ایلدون یاتما اویان آچ گوزلرون
آتما زهرا قیزلارین
دشت غم اولدوزلارین
.
.
باخگلان بس جان دئیوم شهلا گوزوندن دویمادیم
دردوی اظهار ایله شیرین سوزوندن دویمادیم
قویما باش توپراقلارا زیبا ئوزوندن دویمادیم
دردوی مندن قیزیم ایتمه نهان آچ گوزلرون
عمه وین چوخدور غمی
غم اولوبدور همدمی
.
.
ظلم الیله قوش کیمی تاراج اولان کاشانه سی
آلما الدن صبرمی مظلوم حسین ریحانه سی
کوسمه قارداش سیز بی بوندن شاه دین دوردانه سی
زینبم سس ویر منه آرام آلان آچ گوزلرون
غملره انباز سن
عمه وه دمساز سن
.
.
کربلادن شامه جک درد فراوان گورمشم
مرتضی اولادنی حال پریشان گورمشم
بیر نیچه آز عمرده شام غریبان گورمشم
ویرمشم الدن نیچه پیر و جوان آچ گوزلرون
عمه وی غملر بوروب
ظلمین اوستن ظلم اولوب
.
.
داغلی قلبی محنتیله داغلاما ای نازنین
غملریم سان ویرمیندور اولموشام بس دلغمین
کوسمه مندن توپراقا قویما ئوزون ای مه جبین
صبریمی یغمایه ویرمه مهربان آچ گوزلرون
درد و غم آماجییم
خوش گونون محتاجییم
.
.
اهل شام و کوفه سولدوردی قیزیم گلزارمی
ئولدوروبلر ظلم الیله قافله سالارمی
علتی اورداندی اعدا باغلادی قوللارمی
نیلیوم قالموب داخی تاب و توان آچ گوزلرون
دور بیزی آزاد ایله
قیزلاری دلشاد ایله
.
.
قویما ای زلفی پریشان توپراق اوسته باشوی
قاتموسان آز سینده خون دله گوز یاشوی
باشوین اوستونده آغلاتما علی قارداشوی
غملر آماجی اوتاندیرما اویان آچ گوزلرون
تکجه دور بی یاردور
قارداشون بیماردور
.
.
شمع اقبالی سئونن گلزاروه قربان قیزیم
غم غباری اگلشن رخساروه قربان قیزیم
اکبره خاطر دانش گفتاروه قربان قیزیم
گل مثالی آفت و غمدن سولان آچ گوزلرون
سینه سوزان ایلمه
باغرمی قان ایلمه
.
.
عمه وین حالن سوروش ای دشت غم آواره سی
قلبمی دوندرمه قانه چاره سیزلر چاره سی
کربلا دشتینده یغمایه گیدن گوشواره سی
ظلم الیله زیوری تالان اولان آچ گوزلرون
ای سفیر کربلا
زینت اهل ولا
.
.
.
#حضرت_رقیه_محمدی_ناطق
#حضرت_رقیه_شهادت
#ای_رقیه_ای_منی_آغلار_قویان_آچ_گوزلرون
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید