عرض ارادت محضر حضرت جوادالائمه علیه السلام
.
.
.
#مصیبی_تبریزی
.
ای سخا و کرم ده سلیلِ
مرتضی یا جوادالائمّه
طاق خضراده آی تک عذارین
مه لقا یا جوادالائمّه
گوزلره خاک پاک مزارون
توتیا یا جوادالائمّه
ئوزمروخ ال سنون دامنیندن
مطلقا یا جوادالائمّه
.
.
.
نوررحمت دوشوبدورجهانه
چشم عشاقی ایلوب نشانه
جسمیلر بوردا امّا قلوبی
ائتمیشوخ کاظمینه روانه
بوگئجه گلمیشوخ محضرینده
سسلیاخ آدیوی عاشقانه
جان زهرابیزی ائتمه مأیوس
جان آقا یا جواد الائمّه
.
.
.
جنتین واردی اون دورت کلیدی
اون بیرینجی سنون الفتوندی
وئرمروخ جنته قبر پاکون
شیعه نین جنتی تربتوندی
قدسیان زائر بارگاهون
خاکیان سائل رأفتوندی
سائلی ناامید ائتمه سن سن
مطلقا یا جواد الائمّه
.
.
.
میوۀ قلب موسیَ الرّضاسن
وارث عزت هل اتیٰ سن
شیعه درده دوشنده غم ائتمز
چونکی واقفدی دردآشناسن
مرتضی قانی وار رگلرینده
مطمئناً کی مشکل گشاسن
سینه ده واردی چوخ چاره سیزدرد
قیل دوا یا جوادالائمّه
.
.
.
ایستییَن مال دنیایه رونق
دامنیندن ال ئوزمز جوادین
روز و شب بو امامه توسل
ایلیر، عشقیلن سسلر آدین
کسمز امّیدینی درگهیندن
وئرمز الدن گوزل اعتقادین
سسلنر بیله؛اولسون یولوندا
جان فدا یا جواد الائمّه
.
.
.
کان احسان و باب کرم سن
شأن واجلالیده محتشم سن
هم شفیع قیام قیامت
هم بشیر جنان و ارم سن
کاظمینه صفادی مزارون
زائره سن ئوزون ملتزم سن
دیده حسرتدی پوزقون مزاره
قیل عطا یا جواد الائمّه
.
.
.
علمیوون یوخدی حدّ وحصاری
ای ولا ملکینون افتخاری
یدّی سینّون واریدی اولوبسان
شیعه نین قیّم و تاجداری
شهرتین دوتدی دهری سراسر
معرفت لوحینون شاهکاری
خوردا سنّینده اولدون جهانه
مقتدا یا جواد الائمّه
.
.
.
جان عالم فدا یابن زهرا
سن کیمی اسوۀ متقینه
دینین احکامینی نشرائدوبسن
شیعه تاچاتسون علم الیقینه
حکمتین عالمه سایه سالدی
وادی طوسیدن تا مدینه
شوکتین بطن عالمده تاپدی
انجلا یا جواد الائمّه
.
.
.
سائلوخ بیزده باب الجواده
کیم جلالتده شاه شهاندی
کیمسه امّیدیله سائل اولسا
مطمئناً کی حاجت آلاندی
سبط بابالحوائجدی بی شک
جدِّ مهدیِّ صاحب زماندی
منتظر شیعه نین دردینه ای
آشنا یا جواد الائمّه
.
.
.
منتظرلر گوزی یولدا قالمیش
بلکه دنیا ولیعهدی گلسین
مرتضی ذوالفقاری الینده
سینۀ نحس کفاری دلسین
داغ فرقتده بلکه بوکولمیش
قامتی شیعیانین دوزلسین
سهل اولا اوغلوون تاظهوری
ائت دعا یا جواد الائمّه
.
.
.
یا جواد الائمّه بو بزم ِ
بی ریایه ئوزون قیل عنایت
ایستیروخ عاجزانه قاپوندان
ایله بو خواهشی استجابت
تاپشورعباسه یازسون بوجَمعه
تئزلیقا بیر برات زیارت
تذکره بیر بقیع و یانیندا
کربلا یا جواد الائمّه
.
.
.
قبریوین عطر عنبر نشانی
دوندریب کاظمینی جنانه
اللریم قبریوه چاتمور امّا
قیل عنایت بو بیر باغریقانه
قوی قالوم پرچمون سایه سینده
بلکه یوز قویمیوم آیری یانه
دردعشقه اولوبدور«مُصَیب»
مبتلا یا جواد الائمّه
.
.
.
.
.
#جوادیه_مدح
#جوادیه_میلادیه
#ای_سخا_و_کرم_ده_سلیل
#ترکی
.
.
نظر دهید