راه شام
شکوائیه دختر حضرت سیدالشهدا در اسیری
.
#زبدةالاشعار
.
: @nohe_torki
.
#سبک_ای_باد_صبا … 7 سبک
.
مرحوم تائب تبریزی
.
ای سلسلۀ محنته سرسلسله عمه
چوخ اینجیدوری قوللاریمی سلسله عمه
.
.
عمه نه روادور قالا چارم یولی باغلى
اولسون صغر سنّیله سینم دولی داغلی
دل داغلی گوزوم یاشلی ستمله قولی باغلی
قول باغلی ئوزوم همدم اولام آهیله عمه
.
.
بو قلبیم اینانموردوم ای عمه یانا بیله
باقید جفائیله قولوم باغلانا بیله
مغلول و مقیّد چکه لر هریانا بیله
دشمن ائده هر ظلم الیندن گله عمه
.
.
هر چند که آفاقیده پروردۂ نازم
ائل سوگولوسی دختر سلطان حجازم
لیک ایمدی اسیر ستم اهل مجازم
من آغلارام آغلار منه بیر سلسله عمه
.
من دختر شیرین دیل سلطان بلایم
بیر قلبی سینیق نی کیمی معتاد نوایم
خار اوسته قوؤوبلار منی چوخ آبله پایم
منلن بو ایاقلاردا سزیلدار بیله عمه
.
.
آرامیمی گه فرقۀ کین الدن آلوبلار
گه شیشۀ صبر دلیمی داشه چالوبلار
گاهی منی ظلمیله ووروب یولدا سالوبلار
احوالیمی بیر کیمسنه اولموب بوله عمه
.
.
یوللاردا یخاللار گهی نار غمه یانّام
گه پای پیاده گئدرم گاه دایانّام
خار اوسته اوزون یوللاری گوز یاشلی دولانّام
گوز یاشی گوزومده ایاقیم آبله عمه
.
.
من بیر گل نورستۀ گلزار وفایم
صاحب گل آتامدور منه دارای صفایم
افسوس بابامدان صورا پامال جفایم
پامال اولی بی صاحب اولان گل بیله عمه
.
.
دنیانی بابامدان صورا عمه نیدرم من
دل بسته سیم سانما اونی ترک ائدرم من
گئتسه باشی هر یانه دالینجا گئدرم من
آسان سانارام سالسالا هر مشکله عمه
.
.
اولسا بابامون باشی جداده هارا عازم
آردینجا وارام عشقی کناریمده ملازم
من تار وفا بسته سیم قید نه لازم
بیهوده ووروبلار قولوما سلسله عمه
.
.
من جام بلایائیله مستانۀ عشقم
سرگشته دوشن چوللره دیوانۀ عشقم
شمعیم بابامون باشیدی پروانۀ عشقم
یانّام سالارام اود بیله جان و دله عمه
.
.
«تائب» بو قیزین سینه ده درد دلی واردی
داغلار ئورگی ایله یانقلی دیلی واردی
سر مطلعی یاز بیرده که چوخ نسگلی واردی
چوخ اینجیدوری قوللاریمی سلسله عمه
.
.
#راه_شام_تائب_تبریزی
#ای_سلسله_محنته_سر_سلسله_عمه
#ترکی
.
#زبدةالاشعار
.
: @nohe_torki
نظر دهید