زبانحال عروس در راه شام خطاب به سر مبارک جناب قاسم(ع)
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی …
.
مرحوم حاج رضا صراف تبریزی
.
.
ای عم اوغلی گتوروب درد و غمون جانه منی
سالوب آهو کیمی بو دشت و بیابانه منی
.
.
نه بولر سلسلۀ عشقه دوشن عار ندور
جور بیگانه ندور، طعنۀ اغیار ندور
باخمارام دیر و کلیسا ندی، بازار ندور
گئدرم جذبۀ عشقون چکه هر یانه منی
.
.
من عزیزم گرک عالمده اولام عزّتیلن
هودج تخت روانیم چکیله حرمتیلن
ایندی هودج یئرینه اهل جفا ذلّتیلن
میندیریبدور باش آچیخ ناقۀ عریانه منی
.
.
نیزه باشیندا باشون گون کیمی جولانه گلوب
نه تجلّادی، تماشاسینه بیگانه گلوب
چکمیشم هر نه مصیبت، بو چوروک جانه گلوب
اؤلدورور ایندی ندیم طعنۀ بیگانه منی
.
.
من مریض غم عشقم، منه تدبیر ندور
زلف زنجیری بسیمدور، داخی زنجیر ندور
بولمورم آتش آهیمده کی تأثیر ندور
قویوب عالمده بو نوعیله یانا یانه منی
.
.
گئتمرم شامه عم اوغلی، بویور آخر نئدرم
معجریم یوخسا یوزه زلفومی حایل ائدرم
آلمیشام گوشۀ ویرانه سراغین، گئدرم
خانه ویران ائده تا منزل ویرانه منی
.
.
نیزه ده بیرجه دولان حال پریشانیمه باخ
دل بریانیمه باخ، سینۀ سوزانیمه باخ
قاریشیبدور گؤزیمون یاشی جگر قانیمه باخ
نئجه گؤز غرق ائیلیوب لاله صفت قانه منی
.
.
عقرب زلفی قرین مه تابان ائلدون
من پریشانی عجب زار و پریشان ائلدون
سینه می ناوک مژگانیله شان شان ائلدون
ائلدون خانۀ زنبوریله هم خانه منی
.
.
اگلنوب آیینۀ حُسنوه کونلوم کیمی گرد
دوزولوب عورت، اوشاق، پیر و جوان و زن و مرد
هامینون فکری بودور دردیمون اوسته قویا درد
گتیروب نی کیمی بو درد و غم افغانه منی
.
.
بو قدر زلفوی رخساره نقاب ائتمه گیلن
بوندان آرتیق منی گل خانه خراب ائتمه گیلن
قوی جمالون گؤره شام اهلی، حجاب ائتمه گیلن
چون بولور قوم جفا، بوش یئره دیوانه منی
.
.
آغلارام بزم مصیبتده سنه تا ساغَم
شهر #تبریزده صراف کیمی دوستاقم
نئچه مدتدی سنون درگهوه مشتاقم
ایسته حضّاریله بو وقفه قربانه منی؟
.
.
.
#راه_شام_صراف_تبریزی
#ای_عم_اوغلی_گتوروب_درد_و_غمون_جانه_منی
#ترکی
.
✍️ #زبدةالاشعار ✍️
.
🆔: @nohe_torki
نظر دهید