ای شهریار تشنه ی کرب و بلا قارداش #اربعین_بیدقداری

اربعین
.
#زبدةالاشعار
.
: @nohe_torki
.
#سبک_ویرانه_ده_نازلو_بالام
.
حاج داود بیدق داری
.
ای شهریار تشنه ی
کرب و بلا قارداش
بو آلتی گوشه قبریوه
زینب فدا قارداش
.
.
گلدیم اوزاق یولدان حسین ال یاره باش یاره
الله بیلور قالدیم نجه چوللرده آواره
اولدوم سپر هریرده من اطفال بیماره
دور دردیمه درمان ائله دردآشنا قارداش
.
.
سن بسلین گللر هامی سولدی خزان اولدی
عزت هماسی زینبون بی آشیان اولدی
چکدیم اوقدری محنتون قدیم کمان اولدی
سالدی ایاقدان زینبی دردوبلا قارداش
.
.
سئللر سولار داشدی منیم احوالیمه یاندی
یاندیم یاناندا خیمه لر قلبیم الولاندی
زلفیمده آغ یوخدور اگر قانیله الواندی
گودالیده رنگین ائدوب دست جفا قارداش
.
.
نازلی بالان سندنصورا یاتمازدی بسترده
یئل تتره دن نازک چمن تک اسدی چوللرده
تاگوردی اکبر باشینی دوردی برابرده
سسلندی گل ایله منی غمدن رها قارداش
.
.
گل تک سارالدی سویگلون گونلرقباقینده
بیرقیز که آچمیشدی زبان اکبرقوجاقینده
دفن ائتمیشم ویرانه ی شامین بوجاقینده
نازلی رقیه ون باشوه اولدی فدا قارداش
.
.
شاماتی گزدیم یاحسین گوز یاشلی دل یاره
گلدیم ولی شرمنده یم بوغملی دیداره
نازلی رقیوندن قالوب بیرقانلی گوشواره
ئوپدی دوداقوندن اودا تاپدی بقا قارداش
.
.
هریرده فرصت ایله دیم حقی بیان ائتدیم
ظلم یزیدی شامیده خلقه عیان ائتدیم
خلوتده اما اشکیمی گوزدن روان ائتدیم
غملی رباب اوندا منه وئردی صدا قارداش
.
.
ای الصلاتی ائلین پاینده آلقانی
قانیله تثبیت ائلین احکام قرآنی
دور پیشواز ایله ئوزون دلخسته مهمانی
نی تک بوخسته کاروان ایلور نوا قارداش
.
.
.
#اربعین_بیدقداری
#ای_شهریار_تشنه_کرب_و_بلا_قارداش
#ترکی
.
#زبدةالاشعار
.
: @nohe_torki