ای شه یتیش هراییمه سرداریوام سنون #عباسیه_یوسف_فگار

استمداد حضرت قمر بنی هاشم (ع)
.
.
مرحوم حاج یوسف مهدیون (فگار)
.
.
ای شه یتیش هراییمه سرداریوام سنون
قولسوز سوسوز یارالی علمداریوام سنون
.
باشیم یارالانوبدی یارالی یخیلموشام
عشقون سالوب کمندہ گرفتاریوام سنون
.
بو آخرین نفسده سنی آختارور گوزوم
آدون دیلیمده طالب دیداریوام سنون
.
جان اوستیم آقا منی چوخ قویما انتظار
تئز گَل طبیب عشق که بیماریوام سنون
.
زهرا عزیزی سن سنه یوسف دیمم ولی
جان نقدی دونموش الده خریداریوام سنون
.
گل باشیم اوسته سایه وی سال باشیمه منیم
دیندیر دانیش که طالب گفتاریوام سنون
.
مین جانیم اولسا گر سنه من ایلرم فدا
مطلب عیاندی یار و فداکاریوام سنون
.
دشمن سالوبدی قوللاریمی جسمدن اگر
اوخلار پریمدی جعفر طیّاریوام سنون
.
سن سن او شه که حجّت پروردگار سن
جاندان گچن غلام وفاداریوام سنون
.
سو اوسته سو کیمی یره جاری اولان قانیم
اثبات ایدر که خادم درباریوام سنون
.
مهر و محبتون اورگیمدن گیدن دگول
باشیمده گئتسه من گئنه غمخواروام سنون
.
قان آغلادور سوسوزلاریوین غصه سی منی
دردون اورکده دیده سی خونباریوام سنون
.
آغلا حسینه دردیوی دی بیرده یاز «فگار»
ای شه یتیش هرایمه سرداریوام سنون
.
#عباسیه #یوسف_فگار
#عباسیه_شهادت
#ای_شه_یتیش_هراییمه_سرداریوام_سنون
#ترکی
#زبدةالاشعار