زبانحال حضرت امام حسین (ع) در بالین فرزند دلبندش
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
اشکی تبریزی
.
آچ گوزون یاتما قوم اوسته نوجوانیم دور گیداخ
قلبیمی یاندیرما ای آرام جانیم دور گیداخ
.
.
گلمیشم ای کوکب برج سعادت آچ گوزون
ای شبیه حضرت ختم رسالت آچ گوزون
ایستی قوم لار اوسته اولماز استراحت آچ گوزون
یاتما خاک و خون ایچینده مهربانیم دور گیداخ
.
.
قرمزی قاندان سالوب دست اجل بستر سنه
حدّسیز یاره ووروب قوم جفاگستر سنه
منتظر دور خیمه لرده زینب مضطر سنه
گوزلری قویما قالا یولدا جوانیم دور گیداخ
.
.
پیکرون مجروح سرتاسر بو سوز آفتاب
گون وورور یاره ن یانور ایلور منی بی صبر و تاب
قان لحافوندور دیزیم بالش سنه بستر تراب
قالمیوب قلبیمده کی تاب و توانیم دور گیداخ
.
.
پیکرونده یاره لر گل دور قزلقان ژاله سی
زلف خونینون اولوبد ور مه جمالون هاله سی
ایمدی لیلانون چخوب عرشه اوغول وای ناله سی
همصدادور اونلا اهل خانمانیم دور گیداخ
.
.
قامتسشروون یخیلموش گل کیمی خندان اولوب
گوئیا پیکر دگول شیرازه دن قرآن اولوب
مصحفی پاشیده تک بی اوّل و پایان اولوب
ای آدی هر سوز باشی ورد زبانیم دور گیداخ
.
.
صورتاً واضحدی اوخشارسان على پیغمبره
خَلق و خُلق و منطقاً مظهر ، نبیّ داوره
باشدا کی یاره ن ولی بنزتدی زخم حیدره
ای یوزی جدّیم باشی حیدر نشانیم دور گیداخ
.
.
آتشی گل لر آچوب جسمونده خنجر یاره سی
هانسی شل اولموش ووروب بیر بیله پیکر یارہ سی
بیر یانا بو پیکر مجروحوین هر یاره سی
زخم کتفوندن منیم جاریدی قانیم دور گیداخ
.
.
تشنه لوقدان گرچه اولموشدون بو گون بیتاب اوغول
قویماموشدی تشنه لوق بالمرّه سنده تاب اوغول
ئوز الیله ایلدی جدّیم سنی سیراب اوغول
دادیوه یتدی بو گون اول مهربانیم دور گیداخ
.
.
انتظارون خیمه ده بی خانمان لیلا چکر
نعشیوی حمل ائتمه سم میدانه بی پروا گلر
نعشون اوسته گلمه سه ایله یقین قالماز ئولر
بیرده ساق قالماقینا اولماز گمانیم دور گیداخ
.
.
«اشکییَم» آغلار گوزیله یازماقا نوحه خوشام
معصیتدن چوخ دولی یا رب ریادن من بوشام
لطف قیلسان واردی استعداده منده دلخوشام
شه دیلینجه سویلیر نُطق بیانیم دور گیداخ
.
.
#اکبریه_اشکی_تبریزی
#اکبریه_شهادت
#آچ_گوزون_یاتما_قوم_اوسته_نوجوانیم_دور_گیداخ
#ترکی
.
✍️ #زبدةالاشعار ✍️
.
🆔: @nohe_torki
نظر دهید