ای شَمس پُر فروغ سپهر وَلا علی #حیدریه_ستار_رزاقی

در اوصاف امیرمومنان علی (ع) و اشاره به غدیر خُمّ
.
✍️ #زبدةالاشعار ✍️
.
🆔: @nohe_torki
.
رزاقی تبریزی
.
ای شَمس پُر فروغ سپهر وَلا علی
ای اسم پاکی زینت اَرض و سَما علی
.
ای بَحر بی کرانه ی تَقوا و معرفت
وی مظهر شجاعت و صدق و صَفا علی
.
ای جلوه ی جمالی ایدن مات عالمی
وی شاهراه عشقیده بَدرُالدّجا عدی
.
ای گوز آچان بو عالمه بیت الحَرامیده
آرتیب سنیله رُتبه ی بیت خدا علی
.
ای ناخُدای کشتی دین میر مومنین
وی کشور ولایته فرمانروا علی
.
ایثار و همّتین ایدوب اسلامی پایدار
قرآن و دین یولوندا ایدّن جان فدا علی
.
خَندَق گونونده دشمنه غالب اولان زمان
اِنس و مَلَک دیوبدی سَنه مرحَبا علی
.
بیر کیمسه نون مَقامی چَتیندور سَنه چاتا
اِلّا مَقام و مَرتَبه مُصطفا علی
.
سَنسَن وَصیّ مُطلَقِ پیغمبر خدا
بو افتخاری حَق سنه ایلوب عَطا علی
.
طاها غَدیر خُمّ دا سَن تک دلاوری
تَعیین ایدوبدی اُمَتینه پیشوا علی
.
اَمر ایلیوبدی هر کیمه مولا و رَهبَرَم
مَندَن صورا او شَخصه اولور مُقتَدا علی
.
تاپشوردی چونکی اُمّته اَمر ولایتی
اُمَت گَرَکدی اولمیه سَندن جدا علی
.
لازمدی بَس جماعته هر بیر زمانیده
اولسون ولیّ اَمرینه چوخ با وَفا علی
.
واجبدی بیزده ایمدی گدک اَمر رَهبَری
اجرا ایدوب دیاخ سَنه جانلار فَدا علی
.
عید ولایَتیندی اَیا شاه ذوالکَرَم
جَشن و سرور ایدور هامی اهل ولا علی
.
عشاق درگهون گینه آچموش دعایه اَل
ایستور تمام دردلره سندن دَوا علی
.
درگاهیوین گَداسی بو درگاهی بوشلاماز
چونکی بیلور بو درگَهی دارُالشَفا علی
.
رَزّاقی دا بو جَمعیله درگاهه یوز قویوب
ایستور بو تیزلیقا نجف و کربلا علی
.
لُطف ایله تا بو جَمعیله گلسون مَزاریوا
صحنونده سسله سون گینه یا مرتضا علی
.
.
#غدیریه_حیدریه_مدح
#ای_شمس_پر_فروغ_سپهر_ولا_علی
#ترکی
.
✍️ #زبدةالاشعار ✍️
.
🆔: @nohe_torki