زبدةالاشعار

ای شیر علی نشان اباالفضل #امانی_اردبیلی

امان نامه
.
✍️ زبدة الاشعار ✍️

?: @nohe_torki
.
حاج علیرضا امانی اردبیلی
.

ای شیر علی نشان اباالفضل
آوازه سی بیکران اباالفضل
جانانۀ جاودان اباالفضل
جانانینه جاندی جان اباالفضل
.

زیبنده اولان کماله احسن
شایسته اولان خصاله احسن
شأن و شرف و جلاله احسن
دیوانه اِئدن جماله احسن
قاشلاردا اولان هلاله احسن
قلبینده کی شور و حاله احسن
کم صبریدی پر توان اباالفضل
.

شمشیرینه هم نیامه احسن
قلبینده اولان دوامه احسن
آزاده اولان مرامه احسن
زیبنده اولان مقامه احسن
لب تشنه قالان امامه احسن
عباس کیمین غلامه احسن
مشهور ایکی جهان اباالفضل
.

اوج غضب و شکوه غیرت
اولموشدی اسیر درد خجلت
عطشانیدی غنچه های عصمت
مجروحیدی پیکر مروّت
حیرانیدی هیکل شریعت
دِیدی او مه سپهر عزّت
ایستور وئره امتحان اباالفضل
.

ایلوردی نظاره دشت درده
آگاهیدی آخر نبرده
بیر نوکر و سی هزار برده
تنگ ایله میشیدی دشتی مرده
عبّاس باخوب او باغ زرده
رمزیله دییوردی پشت پرده
دلخسته دی باغبان اباالفضل
.

گوردوکجه سپاه مور و ماری
تابینن آلیدی تب قراری
ناگاه گوروبدی بیر سواری
ترک اِئتدی سپاه جیره خواری
نخوتله گلور خیامه ساری
تکرار الیوبدی بو شعاری
ناممده واروم امان اباالفضل
.

شمریدی سگ حرام زاده
تا گلدی کنار اهل داده
سالدی نظرین صف جهاده
سوزآچدی بو نوعی گلدی داده
ائتسه باجم اوغلی گر اراده
السّاعه امان واری بلاده
گورسون منی قهرمان اباالفضل
.

عباسیله منده واردی نسبت
قلباً اونا قائلم ارادت
واجبدی قبائله حمایت
قارداشلارن ایستورم سلامت
هر دوردونه ایلورم اشارت
یوخ فرصتوز ائتمیون لجاجت
ائتسون نظرین بیان اباالفضل
.

متن پیشنهادی:  روز عاشورا حسین آن شاه مظلومان #حسینیه_لاادری

بو تهمت کذب در اشاره
اود ووردی تمام روزگاره
حیرتله هامی ائدوب نظاره
باخدی آیا بیر بولوک ستاره
عباس ئورگی اولوبدی یاره
دوشدی نفسی ائله شماره
جسمینده گوروب تکان اباالفضل
.

قالدی االه بیر حالا او سردار
اندوهینی بیلدی شاه بی یار
سر لشگرینه اِئدوبدی اظهار
ترک ایله سپاهی ای وفادار
شمریله مقابل ایله گفتار
قویما دوشه اضطرابه قیزلار
اول تلّه طرف روان اباالفضل
.

سر لشگرِ طیّبُ المُطهَّر
سمعاً دِئدی طاعتهً برادر
فی ضِلِّ سَخایِکَ المُخَیَّر
شمریله غرض اولوب برابر
دوتدی ائله قاشلارن گره لر
گوزلر دئدی آفرین دلاور
خشمین ائله دی عیان اباالفضل
.

درک ایله دی شمر بو پیامی
تعظیم ائلیوب وِئروب سلامی
تسلیم ائلیوب سگِ حرامی
مکتوب امیر پست شامی
آچدی بو خطابیلن کلامی
یَابنَ العَلی ای دلیر نامی
وار بیر سخن گران اباالفضل
.

محبوب سن عزّت و اَدَبده
صرف ایله مه عُمرُوی تَعَبده
سرهنگِ ستاد سن حَرَبده
بیر لشگره کی ایتور وَجَبده
اولماز سنه بهره تاب و تبده
مشهوریدی بو مثل عربده
یوخ سود، اِئلَسون زیان اباالفضل
.

پایان نبردی سن بیلی سن
لب تشنه حسین یولون گِئدِی سن؟
خاکِ رَهِ مقدمین اوپی سن
پیکاریده رخت جنگی گِی سن
سال یاده حسینیلن اوگِی سن
گردابیده سن ولیک دِئیسَن
آخرده تاپار کران اباالفضل
.

افکاروی عاری ایله شک دن
یوخ فایده نانیلن نمک دن
تحصیل ائله عزّتی فلکدن
گل گئت یاپوش آیری بیر اتک دن
قوی ئوزسون حسین اَل کمک دن
باخ امّته دیدۀ فدک دن
بو گلشنه وار خزان اباالفضل
.

متن پیشنهادی:  گتدی دنيايه خديجه فاطمی گل اطهری گل #فاطمیه_عدلی_تبریزی

اندام رَسا و شوکتون وار
خشم و غضب و صلابتون وار
تخت و خَدَمه لیاقتون وار
گئت قالما اگر سیاستون وار
گر بیلسه امیر اطاعتون وار
ناز و نِعَم و عمارتون وار
اول دهریده کامران اباالفضل
.

شمرون کلمات نحسی تک تک
عباسه اثر اِ ئلیدی اوخ تک
قاخوب ضَرَبانی اندک اندک
لال اول دِئدی ای پلید مسلک
حدونّن اِضافه چخما مردک
سن تربیتیمده ایلوسن شک؟
غیضینّن اَسور دایان ، اباالفضل
.

سن تک سگِ بد نهاده لعنت
سن فخر اِ ئلییَن نژاده لعنت
سن ائِتدیگون انتقاده لعنت
سن اِئتدیگون استناده لعنت
سنده اولان اعتقاده لعنت
گر عدلیسَن عدل وداده لعنت
تاپدی رَهِ جاودان اباالفضل
.

هم ناموُوَه هم اَمانه لعنت
هم سودُوَه هم زیانه لعنت
هم حاکم ظلم رانه لعنت
هم امت صَد زبانه لعنت
فرمانی وِئرَن دهانه لعنت
بو دولته بو سرانه لعنت
اولماز سیزه هم زبان اباالفضل
.

روباهه اسیر شیره لعنت
جان فکرین اِئدَن دلیره لعنت
شرُّ و شرَرَ و شریره لعنت
تخت و خدم و سریره لعنت
نالایق اولان امیره لعنت
ئوز شاهین آتان وزیره لعنت
خدمتده دی هر زمان اباالفضل
.

تحریک ائدوسن منی نفاقه؟
کیمسن وُراسان خِلَل تفاقه
من عشقیله گلمیشم عراقه
یوخ منده ریاسته علاقه
سال الَّرُوی بیراز اشاقه
آز هرزه دانش چکیل قیراقه
بو یولدا قویوبدی جان اباالفضل
.

متن پیشنهادی:  ای اولان خلقتده نوری نور سبحان یا علی #حیدریه

جاهل نجه گور جهالت ائتدون
دیلده باجی اوغلی صحبت ائتدون
گور اُمِّ بنینه خدمت ائتدون
یا فاطمه دن خجالت ائتدون؟
بیلسون ،منه چوخ خیانت ائتدون
فهمون آز اولوب حماقت ائتدون
حیدردن آلوب نشان اباالفضل
.

فکر اِیلَه مه زود باورم من
شاگرد کلاس حیدرم من
عبّاسم امیر لشگرم من
مولادی حسین نوکرم من
نوکر آنام اِئتدی کمترم من
باخ شأنه ، عموی اصغرم من
دربان بو آستان اباالفضل
.

عباسه دئیورسن عشقی دانسون
زهرانی وُرانّارا اینانسون؟
خائن اولا بختی تا اویانسون ؟
مخیمده حسینی تک دایانسون؟
دیلسیز سود امرعطشده یانسون؟
زهرایه باخوب علی اوتانسون؟
گِئتمز واری تا توان اباالفضل
.

دِئیسَن منه بوشلا انقلابی؟
مخیمده اشیتمه درد آبی؟
افلاکه چخا سویون عذابی؟
اصغر وِئره جان باخا ربابی؟
غارت اولا قیزلارون حجابی؟
اللرده قالا گلین نقابی؟
احسن دیَه شیعیان اباالفضل؟
.

نفرین او گتیردیگون پیامه
بو سوز یایلوبدی خاص و عامه
عباسه گلوب امان نامه
الآن قَییدیم نئجه خیامه؟
هانسی یوزونن باخوم امامه؟
باشیمنن انور یِئره اَمامَه
حیراندی بلی کمان اباالفضل
.

سن نه بیلوسن نه مکتبیم وار
بو دشتیده تابیلن تبیم وار
دردیم وار ئورکده مطلبیم وار
شش ماهۀ عالی منصبیم وار
اوچ یاشلی بطول اطیبیم وار
بی پشت و پناه زینبیم وار
قویماز سولا گلستان اباالفضل
.
#امان_نامه
#ای_شیر_علی_نشان_اباالفضل
#امانی_اردبیلی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی