قره پرچم
.
.
.
حاج علی پور علی (جاهد )
.
.
ای شیعه لرین دردینه درمان قره پرچم
بو قاره گیینلر سنه قربان قره پرچم
.
.
بو شور حسینیله عزا بزمی قورانلار
مظلوم آقاماخاطر ایاق اوسته دورانلار
گوزیاشلی حسینی چاغیروب سینه ورانلار
شایسته جوانلار سنه قربان قره پرچم
.
.
هر بزمیده عشقیله سنی بیز اله آلوق
دین دشمنینون پیکرینه ولوله سالوق
سنله شرف عشقده افلاکه اوجالوق
سنسن شرف عشقه نگهبان قره پرچم
.
.
سن کامه حسینی یتیریبسن هدفینده
چاتماز سنه هئچ پرچم دنیا شرفینده
دین پرچمیسن عاشق شوریده کفینده
سنلن اوجالار دولت قرآن قره پرچم
.
.
سن پرچم قرآنسن ای پرچم سرمد
سنلن تانینار مکتب توحیدی احمد
سنسن علم نصر من الله محمد
وارسنده عجب جلوۀ جانان قره پرچم
.
سن پیکره ی عشق حسینیلره جانسان
عاشقلره عشقین شریانیندکی قانسان
هستی سنه مدیونیدی سن جان جهانسان
جانان اولی جلوونده نمایان قره پرچم
.
.
ای پرچم پیروزی عاشور حسینی
وی فلسفه ی مکتب و منشور حسینی
عاشق لر الینده علم شور حسینی
عشق اهلینه جانانیدن احسان قره پرچم
.
.
عشق اهلی سنون حرمتیوی بیلدی فریضه
اشگیله سنه یازدی نیاز اهلی عر یضه
وارسنده شفا نسخه سی درمانده مریضه
قیل چاره ائله دردینه درمان قره پر چم
.
.
#ورود_محرم #قره_پرچم
#ای_شیعه_لرین_دردینه_درمان_قره_پرچم
#جاهد
#ترکی
#زبدةالاشعار
زبدة الاشعار 
: @nohe_torki . مرحوم هادی تبریزی . من ناخدای ذورق زرّین عزّتم دریانورد پیرم و پیر طریقتم میعادگاه عشقه گلوب مرغ قو کیمی من پیشواز مرگ ایلرم آرزو کیمی . . من شاهکاربیشتر
نظر دهید