حسین کچن گجه نی هاردا منزل ایلموسن #کوفه_کریم_موذن

ورود کوفه
.
.
.
مرحوم شیخ کریم مؤذن اردبیلی
.
.
حسین کچن گجه نی هاردا منزل ایلموسن
او گل جمالوی آلودۀ کول ایلموسن
.
محاسینون بلشوب کوللره باجون ئولسون
وفالی زینبه بیر عمده نسگل ایلموسن
.
کلام حقّی دیورسن یارالی لبلریله
پوزوب دسیسۀ ظلّامی باطل ایلموسن
.
مقام عشقیده تکمیلیدون ازل گوندن
بو سیریله گینه سیر تکامل ایلموسن
.
گوزل یوزونده بو خاکستری نقاب ندور
یوزون محاقه دوشن بدر کامل ایلموسن
.
اذیّت ایلیور اولما گون ایستسی یارووا
گونه گوره یارووا پرده حایل ایلموسن
.
قوناقه حرمت ایدر رسمیدی قوناق آپاران
عوض حرمته سن زحمت حاصل ایلموسن
.
تنوریده آنام اوغلی یاتوبدی هانسی قوناق
فقط کول اوستونی سنسن تقبل ایلموسن
.
ایوینه خولی ایشتدیم سنی قوناق آپاروب
او ناکسون ایوینی اولما منزل ایلموسن
.
بیله خیال ایدوسن آز زماندی آیریلیقون
بو بیر گونی باجووا بلکه بیر ایل ایلموسن
.
اوزون گیدوب بو گجه یاتدون استراحتیله
قزون رقیّه نی هجرونده بلبل ایلموسن
.
جدا باشندا باشون پیشوازه گلدی ولی
ندور کناره دوروب قرب محمل ایلموسن
.
ندن سوروشموسان احوال زینبی قارداش
صباح و شام فراقونده خون دل ایلموسن
.
او قدری آغلا «مؤذن» حسین عزاسینده
گورن دیسون داخی بسدور یری گل ایلموسن
.
.
#کوفه #کریم_موذن
#حسین_کچن_گجه_نی_هاردا_منزل_ایلموسن
#ترکی
.