زبانحال حضرت مسلم علیه السلام
.
✍️ زبدة الاشعار ✍️
?: @nohe_torki
.
مرحوم میرحبیبی
.
ای صبا خبر ویر عم اوغلوما
مسلمون شها تشنه جان ویرور
هرگلن وورور یاره جسمینه
کوفیان وفاسین نشان ویرور
.
.
ایله بیر رشادت بوکوفه ده
ویرمیشم نشان قوم کافره
تیغ تیزیله لرزه سالموشام
حمله ایلین وقته لشکره
اهل کینه نون الامان سسی
یردن اوج ایدوب عرش داوره
بیربیرینه سویلردیلر عجب
نائب حسین امتحان ویرور
.
.
مرتضی علینون شجاعتین
ایلدیم بو شهر ایچره آشکار
یالقوز ایتموشم حمله صفلره
سیندیلار قباقدان ایدوب فرار
ویریدلر زیاد اوغلونا خبر
لشکری بو شیر ایتدی تار و مار
قصد ایدوبدی دارالعماره نی
سانما بیزلره بیر امان ویرور
.
.
امر اولوب او دم اوخ آتانلارا
اللرینده هرسمتیدن کمان
ووردولار او قدری خدنگیله
طاقتیم گیدوب قالمادی توان
گوزیاشیم کیمی آخدی یرلره
چشمه چشمه قانیم اولوب روان
اولمادی کمک بیرنفر منه
قتلیمه رضا کوفیان ویرور
.
.
گوردولر نه قدری اولا قوشون
شیریوین وجودینده یوخدی باک
بیر چوخور یری گود قازدیلار
اوستونی نهان ایلمیشدی خاک
ردّ اولوب ایاقیم توکولدولر
حربه لشکر اللرده خشمناک
اوز شقاوتین ظاهره بوگون
اشقیای دور زمان ویرور
.
.
ایلدی عدو سیّدی منه
روز روشنی گوزلریمده تار
آلدیلار الیمدن قلنجیمی
اولموشام بو روبه لره شکار
باغلانوبدی ظلمیله قولّاریم
ایلوری زیاد اوغلی افتخار
امر ایدور گلون ئولدورون بونی
حکمه باخ زنادن اولان ویرور
.
.
وار خیالی دارالعماره نون
بامی اوسته بو دشمن خدا
باشیمی کسوب هم قناریه
پیکریمی بو قوم دون وورا
الامان حسین ، گلمه کوفیه
ئولدورر سنی قوم اشقیا
ظلمونی نشان اهل عالمه
شمر کافریله سَنان ویرور
.
.
«میر حبیبی» یاد ایلدون منی
ایلسون خدا مطلبون روا
اکثر جماعتدن ایت حذر
باخما ظاهر خلقه بینوا
باخ گیلن بو نامه یازانلارا
باشیمی بدندن ایدور جدا
من غریبه هر کیمسه آغلاسا
اجرینی خدای جهان ویرور
.
.
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
#مسلمیه
#ای_صبا_خبر_ویر_عم_اوغلوما
#میرحبیبی
#ترکی
.
✍️ #زبدةالاشعار ✍️
?: @nohe_torki
نظر دهید