ای صبری حیرتده قویان دنیانی زینب #اربعین_سعدی_زمان

اربعین
سوال و جواب
زبانحال حضرت زینب (س): ای دین اسلامین سوسوز قربانی قارداش
جواب و زبانحال حضرت سیّدالشّهداء (ع) : ای صبری حیرتده قویان دنیانی زینب
..
..
..
مرحوم حسینی سعدی زمان
..
..
..
#سبک ها
#سبک_ای_درد_بی_درمانلارا
..
#سبک_یا_فاطمه_من_عقده_دل_وا_نکردم
واگیر :
(قلبی یارالی – باشی بلالی
قدّون خم اولدی – زهرا مثالی)
..
#سبک_مستان_همه_افتاده_و_ساقی_نمانده
#سبک_ای_کربلانون_تشنه_لب_قربانی_قاسم
واگیر :
(قلبی یارالی گلمیسن
باشی بلالی گلمیسن
ایوای یارالی
باشی بلالی)
..
..
✔️ جواب و زبانحال حضرت سیّدالشّهداء (ع) به حضرت زینب (س)
..
..
ای صبری حیرتده قویان دنیانی زینب
وئردون باشا اوز ائتدیقون پیمانی زینب
..
..
ظاهرده شام و کوفیه قول باغلی گئتدون
اما دیریتدون باطناً قرآنی زینب
..
..
..
..
من ایلدیم اقدام بیر خونین قیامه
سن نقشۀ آمالیمی وئردون تمامه
ششگوشه قبریم اوستونه گلدون سلامه
ای شامیده ویرانه نین دربانی زینب
..
..
..
..
من کاخ عدلی ایلدیم قانیله آباد
تا بو بنانی یخماسین هر دست بیداد
قید اسارتدن ائدم دنیانی آزاد
تأسیس اولا حرّیّتین بنیانی زینب
..
..
..
..
نوش ایلین گون بوردا من جام شهادت
دنیایه وئردیم سربسر درس شهامت
سن ایلینده کوفه ده خطبه قرائت
سالدون گوزل بیر صورته معنانی زینب
..
..
..
..
بیر قول وئرموشدون منه قالوا بَلاده
وئردون عجب بیر امتحان هر ابتلاده
من نیزه ده سن ناقه ده هانسی بِلاده
گئتدوق یتوردوق عزّته قرآنی زینب
..
..
..
..
دین اوسته گیدون اگنیوه رخت اسارت
دینی دیریتدون ایلدون اسلامه خدمت
قرآن و دین اولدی سنه مرهون منت
ائتدون مسلمان کافر و ترسانی زینب
..
..
..
..
ائتدون او که بو دهرده شرط وفادور
من راضیم سندن آنام زهرا رضادور
شرمنده ام سندن ولی چگنون یارادور
ظاهرده دور گیزلین وفا برهانی زینب
..
..
..
..
اثبات حقّانیّته ائتدون اراده
قول باغلی گئتدون مجلس ابن زیاده
دندان شکن سوزلر دئدون اول بد نهاده
ائتدون مجاب اول کافر نادانی زینب
..
..
..
..
عریان قَطَب لرده خواتینِ تهامه
وارد اولان گون دیده تر بازار شامه
سجاد باشینده یانور گوردون عمامه
سوندوردی اشکون آتش سوزانی زینب
..
..
..
..
گئتدون اگر چه ظاهراً بزم یزیده
ائتدون تمسّک لیک قرآن مجیده
بوندان صورا هر کیم یازا دینه جریده
اسمون اولار نشریّه نین عنوانی زینب
..
..
..
..
ای آدی بزم ماتمه هر یرده بانی
مشمول الطاف ایله «سعدیِّ زمانی»
قیلما قاپوندان ناامید اهل عزانی
وار هر کسین بیر دردِ بی درمانی زینب
..
..
..
..
ظاهر اطبّادن بیزی بی احتیاج ائت
اوز معنوی طبّونله هر درده علاج ائت
مستضعفینی صاحب اورنگ و تاج ائت
گورسون هامی تا قدرت یزدانی زینب
..
..
..
..
#اربعین
#سعدی_زمان
#ای_دین_اسلامین_سوسوز_قربانی_قارداش
#ای_صبری_حیرتده_قویان_دنیانی_زینب
#آثارالحسینی2 صفحه 301
#ترکی
#زبدةالاشعار