جمکرانه گل!
.
#زبدةالاشعار
.
: @nohe_torki
.
حسن نجفلو
.
ای عاشق امام زمان، جمکرانه گل
ای منتظر او یاره اولان، جمکرانه گل
.
ای آختاران او یوسف زهرای اطهری
بو یرده وار او یاره نشان ، جمکرانه گل
.
اغیاری بوشلا یار اتگیندن وفالی دوت
بیگانیه باش اگمه جوان، جمکرانه گل
.
دنیا هراینه یتیشن جمکراندادی
دنیانی بوشلا، قلب جهان جمکرانه گل
.
تپراقینه شرف ویروب الله ذوالجلال
ویر بوسه مست اولا دل و جان، جمکرانه گل
.
ای دردمند دردیوه درمان آلامّاسان
صدقیله چاره سین تاپاسان، جمکرانه گل
.
گر کعبه ایستیور ئورگین یوخدی قدرتین
کعبه ثوابینی آلاسان، جمکرانه گل
.
مأوای انبیادي ملکلر مکانیدی
ایتمیش معطر عطر جنان، جمکرانه گل
.
اُول گنبدین باشیندا یاشیل پرچمین سوزی
هر گون بودور که؛ ای یورولان جمکرانه گل
.
هر حاجتین واروندی یاپیش باب حقّیدن
یا صاحب الزّمان چاغیران، جمکرانه گل
.
یابن الحسن قوجالدی «حسن» گورمدی سنی
یوخدور دیین که ای قوجالان جمکرانه گل
.
.
#جمکران
#ای_عاشق_امام_زمان_جمکرانه_گل
#ترکی
.
: @nohe_torki
نظر دهید