مدح حضرت ابوالفضل العباس (ع)
.
#زبدةالاشعار
.
: @nohe_torki
.
#سبک
پخش‌کننده صوت
.
محمد علی مصیبی تبریزی
.
ای علی نین گوزل اوغلی
آیا! ضرب المثل اوغلی
گل گلزار ولایت
حیدرین بی بدل اوغلی
یا ابوالفضل – یا ابوالفضل
.
.
.
سن علی پوری سن عباس
گوزیمین نوری سن عباس
معدن عشق و صفاسن
سرو قامت ، اشجَع ُ الناس
یا ابوالفضل – یا ابوالفضل
.
.
.
آدین اسلامی اوجاتدی
وصفین عرشِ اللهه چاتدی
ماه تابان جمالین
غملی بیر ئولکه ده باتدی
یا ابوالفضل – یا ابوالفضل
.
.
.
سرو تک قامته قربان
ماه تک طلعته قربان
جلوه شاه ولایت
مظهر عزته قربان
یا ابوالفضل – یا ابوالفضل
.
.
.
آقامیز نور جلی دی
اوجا قامتلی یلی دی
رزمگاه ایچره گلنده
دئدیلر واللّه علی دی
یا ابوالفضل – یا ابوالفضل
.
.
.
.
یانان احساسه ماشا لله
گوزل انفاسه ماشا لله
کیم گوروب ضربت شصتین
دئدی عباسه ماشا لله
یا ابوالفضل – یا ابوالفضل
.
.
.
آتاسی فاتح خیبر
آناسی مکتبه محور
بو ایکی جلوۀ حقدن
اولار عباس ِ دلاور
یا ابوالفضل – یا ابوالفضل
.
.
.
می ِعشقیله اولان مست
دست تقدیره وئرن دست
صولتی دشت بلاده
ایلین حیدری سرمست
یا ابوالفضل – یا ابوالفضل
.
.
.
گل «مصیّب»شور و شِینه
قیل توسل ، سن حسینه
تا ابوالفضلینه خاطر
دعوت ائتسین حرمینه
یا ابوالفضل – یا ابوالفضل
.
.
#عباسیه_مدح
#ای_علی_نین_گوزل_اوغلی
#مصیبی_تبریزی
#ترکی
.
#زبدةالاشعار
.
: @nohe_torki
نظر دهید