دریای شرف مظهر الاحرار حسیندور #وداع_آسال_اردبیلی

وداع امام حسین(ع)
..
..
آسال اردبیلی
..
..
دریای شرف مظهر الاحرار حسیندور
سیمای وفا مفخر الابرار حسیندور
آقا حسیندور
مولا حسیندور
..
..
عشاقه ایدوب قبله حسین کرب وبلاسین
گوگلرده دوتوب اهل سماوات عزاسین
باغلوبدی باشا حضرت عیسی قراسین
سسلور حقه زیبنده فداکار حسیندور
..
..
آفاقی دوتوب گرد بلا ماه عزادی
دللرده اولوب ازبر حسینون گوزل آدی
بو شاهه قوران بزم عزا ذات خدادی
عرش اهلین ایدن یکسر عزادار حسیندور
..
قاره گیینوب جن و پری حوری و غلمان
ناله سسی ایلوبدی خدا عرشینی لرزان
زهرا دیور هر دمده بالا جان سنه قربان
اوز مادرینه غم گونی غمخوار حسیندور
..
..
میدانه گیدور میر امم عالمه سالار
ترک ایلیوب أوز خیمه سینی یکسره قیزلار
سسلورله بابا گیتمه دایان ای شه ابرار
بو چولده بیزه تکجه هوادار حسیندور
..
..
عرض ایتدی رقیه بابا من بی کسی آتما
اکبرکیمی گوز یاشووی سن قانووه قاتما
خورشید کیمین سینۀ میدانیده باتما
أوز یارین ایدن درده گرفتار حسیندور
..
..
آغلار گوزومه رحم ایله ای شاه مکرم
سن گیتسون آغاردار باشیمی شدت ماتم
سن سیز منه زنداندی بابا پهنۀ عالم
قزیلارین ایدن حقه گوره زار حسیندور
..
..
سن سیز توکولر نار جفا باشیمه گیتمه
رحم ایله گوزومدن سوزولن یاشیمه گیتمه
چوخ ظلم اولونوب بوردا بنی هاشمه گیتمه
چونکی بیزه بو دشتیده تک یار حسیندور
..
..
گیتمه بابا صدپاره اولان اکبره خاطر
ظلمیله بوغازی بولونن اصغره خاطر
نهر اوسته یاتان یاره لی سرلشکره خاطر
قیزلارین امیدی شه ابرار حسیندور
..
..
..
#وداع #آسال_اردبیلی #حسینیه_وداع #ترکی #زبدةالاشعار