شهادت حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
حاج جواد رسولی
.
ای غم چکن بابا سنه قربان ، آنام هانی
بی کس بابا اولوب اورگیم قان آنام هانی
.
گلدین ائوه ندن آنامی بس گتورمدین
هاردا قالوب او قلبی پریشان آنام هانی
.
آیا نه علت اولدی تز ئولدی جوان ننم
بوغصه ایلیوب منی گریان آنام هانی
.
فکر ایلورم یاناندا قاپی ناتوان اولوب
سندن بو دردی ایلدی پنهان آنام هانی
.
قزلار آناسینا ائلیر ناز هر زمان
یوخ نازیمی چکن منیم الان آنام هانی
.
ائوده دولانورام آنامی آختارور گوزوم
ای شهریار عالم امکان آنام هانی
.
من آغلیاندا خردا باجیم ئولدورر ئوزون
سسلور باجی او سینه سی سوزان آنام هانی
.
ائودن چخاندا سن بابا آغلور بالالارون
قالمور داخی بیزه سر و سامان آنام هانی
.
سن گیتجاقون حسینی من آرام ائدنمورم
آغلور دیور او غمکش دوران آنام هانی
.
چوخ خسته سن بابا گل اوتور باشوه دونوم
درد فراقه یوخ داخی درمان آنام هانی
.
ائو ایشلری یوروب منی غملر سنی بابا
دریای محنت ایلدی طوفان آنام هانی
.
خیبر شکن علی دئدی صبر ایله زینبیم
ای آسمان حُسنده رخشنده کوکبیم
.
صبر ائت قزیم مصیبت هجرانه آغلاما
وُرما شرار غم دل سوزانه آغلاما
.
ای مهربان بالا هامی غملر سنونکیدی
آهون ائدر اثردل نالانه آغلاما
.
نایب مناب فاطمه سن چوخدی حُرمتون
لایق بیلوب سنی بله عنوانه آغلاما
.
آینده ده سنون سفر کربلا وارون
سیل گوزیاشون بو نوعی غریبانه آغلاما
.
چوخ چوخ مواظب اول بو حسیندن گوزون کیمی
محو جمال شمع اولی پروانه آغلاما
.
سو ایستسه حسین سویی تئز وئر عزیزیمه
سوبیر گونی تاپولماز او عطشانه آغلاما
.
ای شبچراغ بزم مُحبّت شیرین دیلیم
سنسن صفا و رونق کاشانه آغلاما
.
یغ فاطمه یرین یرینی بوش گورنمرم
زهراسیز ائو منی گتوروب جانه آغلاما
.
قویما حسن یانان قاپودا بزم غم قورا
چوخ سنده باخما درگه سوزانه آغلاما
.
اول آستانه محسنیمون قتلگاهیدی
مدفن اولوب او طفل پریشانه آغلاما
.
ای کاش مرغ روح علی تئز خلاص اولا
بو سینه دن که غم ائلیوب خانه آغلاما
.
بزم عزاده آغلا ” رسولی ” ئولن زمان
مولا دئسون غم ائتمه ذلیلانه آغلاما
.
.
#فاطمیه_شهادت
#ای_غم_چکن_بابا_سنه_قربان_آنام_هانی
#رسولی_زنجانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید