ای قانلو باشی جدا باشیندا #کوفه_سعدی_زمان

کوفه
.
.
مرحوم سعدی زمان
.
.
ای قانلو باشی جدا باشیندا
قرآن اوخویان یارالی قارداش
قرآن سسوه او قانلو باشه
قربان بو باشی بلالی قارداش
.
.
ای بیر گجه لیق هلال زینب
سن سیز داغیلوب جلال زینب
گئتمزدی بونا خیال زینب
زینب گوره جاق بو حالی قارداش
.
.
کهف آیه سینی سن ایله تقریر
وئر حالت کوفیانه تغییر
منده ائدرم دالونجا تفسیر
تبلیغین اولار کمالی قارداش
.
.
قرآن اوخی ای خدایه مظهر
بُلسونله کسیک باشون گورنلر
سن سن گل گلشن پیمبر
بیزلرده اونون عیالی قارداش
.
.
قرآن اوخی من دلون فداسی
بلدور ندی ظالمین جزاسی
بلسونله بو کوفه اشقیاسی
ظلمین نه اولار مآلی قارداش
.
.
قرآن اوخی ای کلام ناطق
باطل لره کشف قیل حقایق
تا جمله مخالف و موافق
گورسونله بو حق مقالی قارداش
.
.
بیر یاره آتام شه ولایت
باشینده واریدی وقت رحلت
بیر باش ولی اون ایکی جراحت
هاردا گورونوب یارالی قارداش
.
.
نورون یتوشن زمان کماله
سالدی منی ظلمت ملاله
خاکستریله گوروبدی هاله
هانسی فلکین هلالی قارداش
.
.
وئرمیشدی خبر امیر خیبر
من آگهیدیم که وار نه غملر
اما منه خارجی دیه للر
گئتمزدی باجون خیالی قارداش
.
.
قیل نیزه ده بیر نظر دالونجا
یالقیز نه باجون گزر دالونجا
قول باغلی دشوب ملر دالونجا
بیر دسته حرم غزالی قارداش
.
.
بلمولله بو پیروان سفیان
الله بیزه گوندروبدی قرآن
گورجک بیزی کف چالوللا نسوان
آرتور دلیم ابتهالی قارداش
.
.
چوخ لطف ایله «سعدیِ زمانه »
خادمدی بو پاک خاندانه
الده بو سوزی ائدوب بهانه
ایستور صله وار سوالی قارداش
.
.
.
.
#کوفه
#سعدی_زمان
#ای_قانلو_باشی_جدا_باشیندا_قرآن_اوخویان_یارالی_قارداش
#آثارالحسینی1 ص 276
#ترکی
#زبدةالاشعار