زبدةالاشعار

بو مجلسی ملائک نه کشور آختارور #حسینیه_دخیل

« آتدان دوشنده خیمه لره قاچدی ذوالجناح »
.
.
.
مرحوم دخیل
.
.
بو مجلسی ملائک نه کشور آختارور
فیض آلماقا تمام ملائک لر آختارور
.
شاه شهیده مرثیه خوان جبرئیل دور
کرسیِّ عرشی روضه ایچون منبر آختارور
.
بیر سس گلور قولاقیمه آرامیمی آلور
گویا آتا اوغول ایتوروب سسلر آختارور
.
ظاهر بودور ئوز اوغلونی آختارموری حسین
ائتموش بهانه اکبری پیغمبر آختارور
.
ائتموش حسین ئوز بدنین اوخلارا نشان
اوج وصاله اوچماقا بال و پر آختارور
.
آتدان دوشنده خیمه لره قاشدی ذوالجناح
گویا غریب صاحبینه یاور آختارور
.
شیهه چکوب دیئردی گلون ای غریب لر
میداندا بیر یارالی نی مین کافر آختارور
.
ناگه نه گوردیلر دولانور خیمه نی باجی
قارداش گوزونی باغلاماقا معجرآختارور
.
زینب او دمده قارداشین آختارماقا گلوب
گوردی کی قارداشی سورونور خواهر آختارور
.
گاهی دؤنور بقیعه طرف سسلنور آنا
گل کربلایه اوغلون ئولور مادر آختارور
.
کیمدور وئره بو حالیمی عباسیمه خبر
بیکس حسین تشنه ئولور ساغر آختارور
.
ناگه نه گوردی شمر گوزون قان دوتوب گلور
امّا الی بئلینده گزور خنجر آختارور
.
خنجر قویاندا گوردی گوزون چوخ دولاندیرور
سسلندی یا حسین کیمی بو گوزلر آختارور
.
فرمایش ائتدی منتظرم صون نفسده من
زهرانی بیر گوزوم بیریسی حیدرآختارور
.
#حسینیه_شهادت
#ذوالجناح
#بو_مجلسی_ملائک_نه_کشور_آختارور
#دخیل #آتدان_دوشنده_خیمه_لره_قاچدی_ذوالجناح
#ترکی
#زبدةالاشعار

متن پیشنهادی:  ای دل کلید باب جنت دی نام زهرا #فاطمیه_ساعد_زنجانی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی