ای قانه باغرین دوندرن وای بابام ایوای #کاظمیه_تائب_تبریزی

زبانحال حضرت معصومه (س) در شهادت حضرت امام کاظم علیه السلام
.
.
#سبک_بزم_عزاده_گیمیشم
.
.
مرحوم تائب تبریزی
.
.
ای قانه باغرین دوندرن وای بابام ایوای
زندان ائوینده جان ویرن وای بابام ایوای
سن تک مظلوم اولماز
سن تک محروم اولماز
.
.
مین آیه دین وار مصحفِ خاطراتونده
اسلامه اولدی خدمتون هم حیاتونده
احیای افکار ایلدون هم مماتونده
جانانه جان قربان ائدن وای بابام ایوای
.
.
ایل لرله خوش گون گورمدون روزگارینده
دوشدون فشاره دشمنِ دین فشارینده
چون لاله غرق اوتدی دل داغدارینده
دائم ئورک قانین ییَن وای بابام ایوای
.
.
جرمون بو اولدی جانب حقی دوتدون سن
هم ترک باطل ایلیوب هم اونوتدون سن
بهتان دئدی دشمن لرین دؤزدون اوتدون سن
دین اوسته هر ظلمه دؤزن وای بابام ایوای
.
.
سن دستگیر اولدون بابا قوم بیداده
نه بیر سسیوه سس وئرن نه یتَن داده
گلدون شکنجه آتدا چوخ داد و فریاده
ظلمیله ای جانه یتَن وای بابام ایوای
.
.
دین اوسته دوشدون سن یانار اودلارا گئتدون
حق سوز دئدون هاردان بابا گور هارا گئتدون
آلدون شماتتله دله چوخ یارا گئتدون
دلده یارا قبره گئدن وای بابام ایوای
.
.
وقف ایلدون ئوز عمریوی راه جاناندا
دؤزدون او یولدا تا جانین واریدی جاندا
جان وئردون آخر ای بابا کنج زنداندا
محروم ئولن مظلوم ئولن وای بابام ایوای
.
.
مینلر کتاب غم اولار شرح حالاتون
زنداندا اولدی همدمون ئوز مناجاتون
نه بیر گلن نه بیر گئدن نه ملاقاتون
ای زجریله زندان چکن وای بابام ایوای
.
.
اللهدان ئوتری هر بلا جانه آلمیشدون
گول تک سولوب بیکس بابا هم سارالمیشدون
چوخ اینجیوب زندانیده سن قوجالمیشدون
مقتول اشرار زمن وای بابام ایوای
.
.
هارونیان بی کس گوروب دوره وی آلدی
زجر و شکنجیله سنی نطقدن سالدی
دوشدون نفسدن سینه ده چوخ سوزون قالدی
ای دردی چوخ چوخ کم سخن وای بابام ایوای
.
.
دوتدی سنون اطرافیوی درد و غم سیلی
هارونین امریله سنه ووردولار سیلی
سیلی وورولدی گول یوزون ایلدی نیلی
ای ضربت سیلی گورن وای بابام ایوای
.
.
ناخوشلادون دلده غم بی حسیب اولدون
حتی عیادتونده سن بی نصیب اولدون
اذن طبابت اولمادی بی طبیب اولدون
ای وای دواسیز جان وئرن وای بابام ایوای
.
.
افسوس اجل بیزدن سنی ای بابا آلدی
جبراً آرامیزدا بئله تفرقه سالدی
سنله بیزیم دیداریمیز محشره قالدی
ای اهلینی ترک ایلین وای بابام ایوای

.
نسگللرون اودلار سنی عالمی داغلار
عالم سنه آغلار یوزه گوز یاشی باغلار
اولسا امان بو قزلارون چوخ گوزل آغلار
ای قزلاری قاره گیَن وای بابام ایوای
.
.
هارون نقدری ظلم ائده ظلمدن دویماز
ظلم و شقاوت رختینی جسمدن سویماز
شوریله باری سس چکوب آغلاساق قویماز
ای منزلی بیت الحزن وای بابام ایوای
.
.
یوخدور امان حسرتله دل داغلاروق گزلین
خون جگر گوزدن یوزه باغلاروق گزلین
دشمن اولار مانع حزین آغلاروق گزلین
اطفالی گزلین آغلیان وای بابام ایوای
.
.
#کاظمیه_شهادت
#ای_قانه_باغرین_دوندرن_وای_بابام_ای_وای
#تائب_تبریزی
#ترکی #کاظمیه
#زبدةالاشعار