#ترکیب_بند
در مصائب حضرت زهرا سلام الله علیها
.
.
علومی تبریزی
.
.
هجران غمین فراقه گرفتار اولان بیلر
شهد وصالی محو رخ یار اولان بیلر
.
بیلمز شرار شمعده هر کس نه سوز وار
پروانه وار سوختۀ نار اولان بیلر
.
اهل مجاز درکایده بیلمز حقیقتی
منصور تک مکانی سرِ دار اولان بیلر
.
بیگانه آشنا غمینه اولماز آشنا
بو ماجرانی محرم اسرار اولان بیلر
.
جور خزان نه حاله سالار بلبلی گلی
فصل خزاندا وارد گلزار اولان بیلر
.
پیغمبرین نه نوعی خزان اولدی گلشنی
تاریخ ماجرایه خبردار اولان بیلر
.
حال بتولی حالی دگرگون اولان سئچر
درد علینی درده گرفتار اولان بیلر
.
طاها غمینده فاطمه اگلشدی قاره پوش
حالین فقط عزاده عزادار اولان بیلر
.
کیملر گلوب بتوله گوراخ سر سلامته
بورسم وار زمانه ده هشیار اولان بیلر
.
ثانی بورسمه ائتمدی دنیاده اعتنا
غملی خبردی منشی اخبار اولان بیلر
.
ایتدی بهانه بیعتی گلدی بیلنمورم
بو سری من او ظالمه همکار اولان بیلر
.
معذورم عرض ایدم نه سوال جواب اولوب
برنامه مصیبتی بیدار اولان بیلر
فرمان ویروب علی قاپوسی یاندی کینه سین
واضحدی هر ستمگر و غدّار اولان بیلر
.
دود غلیظ دوتدی علی دودماننی
حال بتولی بیر گونوزی تار اولان بیلر
.
یانمش قاپو آچلدی جماعت هجوم ایدوب
زهرا قالوب نحالته ناچار اولان بیلر
.
قالدى قاپو دالندا رسول خدا قیزی
حالین فقط مصادف مسمار اولان بیلر
.
مسمار نیلدی خانما بیلمورم اونی
محسن کیمی او معرکه ده خوار اولان بیلر
.
نقش اولدی فاطمه نجه توپراقلار اوستونه
محو نمای نقشۀ دیوار اولان بیلر
.
حیرتدیم قضیۀ سقط جنیندن
منظوریمی مدینیه زوّار اولان بیلر
.
زهرا یخلدی سسلدی امداده فضه نی
بیر حالتیله حالتی دشوار اولان بیلر
.
محشر اولوب ایو اهلى قارشدی بیری بیره
فضه قاچوبدی هولیله احضار اولان بیلر
.
چکدی علینی صحنیه بو شور و ولوله
درد دلین دوچار ستمکار اولان بیلر
.
زهرانی گوردی دوشدی وجودی تلاطمه
ظالم الینده محرمی بی یار اولان بیلر
.
کیمدور بیله نه قیمتی وار گنج عصمتین
حیدر کیمی او درّه خریدار اولان بیلر
.
فوراً دوتوب ویروب یره خطّابین اوغلونی
رفتارینی کشاکشه وادار اولان بیلر
.
اهل جهان مقابل اولانمازدی حیدره
قهر علینی ناظر پیکار اولان بیلر
.
سالدی ولی خیاله پیمبر وصیّتین
پابند امر احمد مختار اولان بیلر
.
آزاد ایدوب او ظالمی چنگال عدلدن
اجرای امر بندۀ قهّار اولان بیلر
.
اسلام خاطرینه علی دؤزدی دینمدی
اؤز دینینه جهاندا وفادار اولان بیلر
.
.
.
ثانی بیلوب قیامه قیام ایلمز علی
فرمان ویروب جسارتله باغلانوب الى
.
.
.
.
شیر خدا که صاحب نام و نشان اولا
تیغ دوسر الینده قوی قهرمان اولا
.
خیبر آچا صلابتله مرحب ئولدوره
دعوا گونی شجاعتی ورد زبان اولا
.
اسلام اونون وجودینه عالمده فخر ایده
دینون همیشه پرچمینه پاسبان اولا
.
علت ندی دوروب باخا درگاهی اودلانا
زهرا دوشه او معرکه ده باغریقان اولا
.
اوندان علاوه اللرینی باغلیه عدو
زینب گوره او حالتی اشگی روان اولا
.
فکر ایلرم علینون او صبر و تحمّلی
شاید او گون او مرحله ده امتحان اولا
.
زهرا گوروب علینی چکور بیعته عدو
او حالیله نقدر اورکده توان اولا
.
انصافدور که شیر اولا روباهه دستگیر
پیغمبرین وصی سی بیله بی امان اولا
.
چیگننده یوخ عباسی باشوندا عمامه سی
نعلین سیز چکولّه که دردی گران اولا
.
بیر یا علی دیدی اؤزینه ویردی بیر تکان
بو قصدیله که همسرینه هم عنان اولا
.
قاچدی یتیشدی دوتدی علی دامنین بتول
مانع اولوب که مسجده حیدر روان اولا
.
ثانی گوروب که فاطمه بیر سد راه اولوب
مشکل اونون کیمی علیه جانفشان اولا
.
ایتدی اشاره قنقدا وور مصطفی قزین
باخما دوشه یول اوستونه قدی کمان اولا
.
لال اول دلیم بیان ایلمه تازیانه دن
شایسته دور اشدّ مصیبت نهان اولا
.
زهرا یره یخلدی علی گتدی مسجده
تا دشمن ولی خدا کامران اولا
.
پیغمبرین وصیّ بلافصلنه نجه
ابن ابی قحافه دوروب حکمران اولا
.
زهرا گوز آچدی اوندا که گئتمیشدی مرتضی
بو ماجرایه وار یری چوخ ناگران اولا
.
دوردی ایاقه دوتدی حسین حسن الین
تا که گیدوب معین شه انس و جان اولا
.
گلدی گوروب عمواوغلی سینی ساخلیوب عدو
مطلب گرک بروزه گله سوز بیان اولا
.
.
.
احراز اولا امور خلافت خلیفیه
تهدید ایدوله تا ایده بیعت خلیفیه
.
.
.
پیغمبرین مکانی یتوب لامكانلارا
طومار غم آچلدی مصیبت یازانلارا
.
بلبل گیدوبدی زاغ و زغن دولدی گلشنه
خار جفا مقدّر اولوب باغبانلارا
.
زهرا سالاندا مسجد و محرابه ولوله
وحشت یتوب تمام دل ناتوانلارا
.
ال چکدیلر علیدن اولوب منزله روان
ویردی فلک خلافتی بی خانمانلارا
.
باغلاندی مرتضی قاپوسی اهل عالمه
فرصت یتوب حقیقت و حقّی دانانلارا
.
پیغمبرین عزیزه سنون آه و ناله سی
غم خانه لردن اوج ایلدی کهکشانلارا
.
محسن مصیبتی علی غمی هجران مصطفی
حامل اولوب بتول بو بار گرانلارا
.
اوز منزیلنده آغلاماقا مانع اولدولار
بیر کس حمایت ائتمدی قلبی یانانلارا
.
چوللرده گئتدی فاطمه قوردی بساط غم
بیر کولگه یر تاپولمادی بی آشیانلارا
.
بیت الحزن مکان گل مصطفی اولوب
توش اولمیا بو فكریله جور خزانلارا
.
افسوس تیز خزانه یتوب عمرینون گلی
غم یوز ویروب حسین و حسن تک جوانلارا
.
بیر غصه ده علاوه فدکدن یتوب اونا
تقسیم اولوب مکان غم عرش آستانلارا
.
گاهی گیدردی قبر رسوله شکایته
آهی سالاردی لرزه زمین و زمانلارا
.
نوحه دیردی شام و سحر سینه چاکیله
سر مشق اولوب او نوحه سی بو نوحه خوانلارا
.
خلوتده چوخ دوراردی مناجاته نصف شب
راضی دگلدی غم یته شیرین زبانلارا
.
عمرین یتوردی باشه بو نوعیله فاطمه
واحسرتا چکلدی قرا آسمانلارا
.
.
یارب دوشوب نحاله او غمده ابوالحسن
غسلین ویروب بتوله اوزی ایلدی کفن
.
.
.
.
ختم ائتمه میش پیمبر رحمت عزاسنی
حیدر وفالی همسرینون دوتدی یاسنی
.
طاها غمینده کعبه کیمی قاره پوشیدی
گیدی دوباره اگنینه زهرا قراسینی
.
اؤز حقین آلماقا واریدی قدرتی ولی
آلمشدی حق وصیّتی الدن قواسینی
.
زهرایه ثانی ظلم الین آچدی عنادیله
عرشه اوجاتدی زینبون آه و نواسینی
.
اما علی دایاندی شهید اولدی محسنی
یازدی دل حزینه هامو ماجراسینی
.
بیر مرغ پر شکسته کیمی سر بدوش اولوب
اگلشدی ایوده گیدی مصیبت لباسینی
.
ریحانۀ رسول خدا اولدی غصّه مرگ
قویدی علی مزاره او غم آشناسینی
.
شب نصفدن سوؤشموشدی مرتضی اؤزی
آهسته دفن ایدوب حسینینین آناسینی
.
بیر کس یوخیدی پاک ایده اشگین او سرورین
بیر کس یوخیدی درک ایده درد و بلاسینی
.
زهرا یوزین قویاندا ترابه ابوتراب
آغلار گوزیله اوخشادی بیر مه لقاسینی
.
خیبر آچان قولوندا داخی اولمادی توان
دورسون ایاقه ترک ایله سین مه لقاسینی
.
دیز گلمدی دوباره قایتسین که تک قویوب
کلثوم و زینبی حسن مجتباسینی
.
.
.
.
آهسته گوشینه بو صداگلدی قبردن
آز آغلا یا علی بو قدر چخما صبردن
.
.
.
.
غم ائتمه بو امانتی من یاخشی ساخلارام
گنجینۀ شرافتی من یاخشی ساخلارام
.
پیغمبرین امانتنی ساخلاماخلقا
یوخ امّتین لیاقتی من یاخشی ساخلارام
.
تا دامن قیامته دین ای ولی حق
سینمده بو حقیقتی من یاخشی ساخلارام
.
یورقوندی خسته دی بو گل گلشن نبی
بو شافع قیامتی من یاخشی ساخلارام
.
عرش خدادن ایلدی افضل منی بتول
عالمده چوخدی قیمتی من یاخشی ساخلارام
.
هم قولاری یارالیدی هم جسم اطهری
منقذ ویران جراحتی من یاخشی ساخلارام
.
علت نه اولدی دوشدی یره گوشواره سی
آهسته دئ او علّتی من یاخشی ساخلارام
.
آخر سنی زمانه کومکسیز قویوب علی
قلبینده کی بو حسرتی من یاخشی ساخلارام
.
زهرا مزارینه ایله فرصت دوباره گل
درد دل ایله خلوتی من یاخشی ساخلارام
.
.
.
.
آغلار گوزیله دوردی ایاقه فسرده حال
قبر بتوله باخدی دیدی شیر لایزال
.
.
.
ای خاک تیره آل مه تابانی سینه وه
دفن ایلدیم خزینۀ طاهانی سینه وه
.
مرضیه و بتولدی ریحانۀ نبی
قویدوم بو جسم اطهر زهرانی سینه وه
.
توپراقلار آلتدا دفن ایلدیم بو یاراسنی
قویدوم به عینه آیۀ قرآنی سینه وه
.
خوش گون جهاندا گورمه دی بو بانوی عزیز
قویدم قالا بو نوگل خندانی سینه وه
.
زهرادی بو امانت پیغمبر خدا
راحت دوشوبدی آل بو پریشانی سینه وه
.
امت اگرچه ساخلامادی حرمتین بونون
سن ساخلا زینت ایت گل یکتانی سینه وه
.
بار بلا رسا قدینی ایلیوبدی خم
قویدوم فغانیله بو دل آرانی سینه وه
.
زینتدى بوعزیز سنه ای بقیع یری
دینون بودور زمانه قربانی سینه وه
.
.
#فاطمیه #علومی_تبریزی #ترکی #فاطمیه_شهادت #زبدةالاشعار
نظر دهید