زبانحال امام حسین (ع) در بالین برادر
.
✍️ #زبدةالاشعار ✍️
.
🆔: @nohe_torki
.
#سبک_بزم_عزاده
.
مرحوم تائب تبریزی
.
ای قانینه غلطان اولان قارداشیم ایوای
سو مشگی قانیلن دولان قارداشیم ایوای
دور ای آرخام ایلیم
سنسیز سیندی بلیم
.
.
ای سرو آزاده وفا جویبارینده
سقای آل مصطفی غم دیارینده
یخمیش سنی اهل جفا سو کنارینده
قانی اولان سو تک روان قارداشیم ایوای
دور ای آرخام ایلیم
سنسیز سیندی بلیم
.
.
گلمز وجودونده سنون یاره لر سانه
گول تک یاروندان قان آخوب بو بیابانه
علقم کنارین دوندروب بیر گلستانه
گول پیکری خندان اولان قارداشیم ایوای
دور ای آرخام ایلیم
سنسیز سیندی بلیم
.
.
آلام دیزیم اوسته باشون آچ گوزون قارداش
سیلّم یوزوندن قان یاشون آچ گوزون قارداش
سالما گوزوندن قارداشون آچ گوزون قارداش
شهلا گوزینه قان دولان قارداشیم ایوای
دور ای آرخام ایلیم
سنسیز سیندی بلیم
.
.
هم اوخلیوب گول پیکرون دشمن جانی
هم نیزه پوش ایلوبله بو قد بالانی
اولدون بو قانلو دشتیده جعفر ثانی
ای پیکری تیره نشان قارداشیم ایوای
دور ای آرخام ایلیم
سنسیز سیندی بلیم
.
.
بو چولده شاخ نخله ی حاصلیم سیندی
نار غمیله اودلانان بو دیلیم سیندی
سن سیز داخی گلمز بلیم دور بلیم سیندی
چارم آزالدی مهربان قارداشیم ایوای
دور ای آرخام ایلیم
سنسیز سیندی بلیم
.
.
تاریخ لر ثبت ایتمیوب بیله عنوانی
سو اوسته ئولدور سونله بیر تشنه سقانی
قویسونلا عطشان بیر نئجه طفل عطشانی
سو تک قیزیل قانی آخان قارداشیم ایوای
دور ای آرخام ایلیم
سنسیز سیندی بلیم
.
.
کسگین بو شمشیرون قالوب بر ملا یرده
یاننام بو احواله گلر خاطریم درده
دور آل اله شمشیروی ای جوان بیرده
شمشیری جوهر دار اولان قارداشیم ایوای
دور ای آرخام ایلیم
سنسیز سیندی بلیم
.
.
صون دمده من قارداش سنون قیدیوه قالّام
قویام سنیله یوز یوزه عطریوی آلّام
یوخدور قولون قولّاریمی بوینوا سالّام
ای پیکری قولسوز قالان قارداشیم ایوای
دور ای آرخام ایلیم
سنسیز سیندی بلیم
.
.
قدرون نئجه قارداشیدون من اوزوم بیلّم
سندن صورا قالسام دئمه شاد اولوب گولّم
روحیم سن آردونجا سنون دوزمرم گلّم
ای جسمیمه روح و روان قارداشیم ایوای
دور ای آرخام ایلیم
سنسیز سیندی بلیم
.
.
«تائب» سنه یار اولدی اوچ خادم پر شور
مادح مؤذن قاسمی بیرده صادق پور
یازدون بو اشعاری ائدر حق اوزی مأجور
قیل بو سوزی ورد زبان قارداشیم ایوای
دور ای آرخام ایلیم
سنسیز سیندی بلیم
.
.
#عباسیه_تائب_تبریزی
#عباسیه_شهادت
#ای_قانینه_غلطان_اولان_قارداشیم_ایوای
#ترکی
.
✍️ #زبدةالاشعار ✍️
.
🆔: @nohe_torki
.
.
نظر دهید