زبدةالاشعار

ای قزل توپراقی خاک شرف عنوانی؛ بقیع #بقیع_مصیبی_تبریزی

«خطاب به خاک شرربار #بقیع»
.

.
محمد علی مصیبی تبریزی
.
ای قزل توپراقی خاک شرف عنوانی؛ بقیع
توپراق آلتیندا چکن سینیه زهرانی بقیع
.

تربتین لعلی بوتون یئرلره مفخر گورونور
بطن خاکینده نهان بیر نئچه گوهر گورونور
هر طرفدن سند غربت حیدر گورونور
گوسترن عالمه ای غربت مولانی بقیع
.

گرچه بیر گنبد و گلد سته علی الظاهر یوخ
در و دیواریوه حائلدیله چون ، عابر یوخ
دورد امامین پوزولان قبرینه بیر زائر یوخ
زائر ائتدون ئوزیوه مهدی شیدانی بقیع
.

متن پیشنهادی:  منجی انسان زینت قرآن کول اوسته مهمان ایوای حسین وای #تنورخولی_هادی_تبریزی

شیعه حسرتدی کی بیرگون ئورک ابرین گورسون
حیدرین یرمی بش ایل،جبریده صبرین گورسون
همان اللرده ئولن فاطمه قبرین گورسون
ای باسان باغرینا انسیۀ حورانی بقیع
.

ای آلان سینیه ریحانۀ بطحا قبرین
چکن آغوشینه دُردانۀ طاها قبرین
قلبیلر یاندی نشان وئر بیزه زهرا قبرین
گُستر عاشقلره اوُل قبر معلّانی بقیع
.

سنی وئررم یارالی سینۀ زهرایه قسم
بیزه فاش ایله هایاندا یاتوب اول فخر امم
قبرینی گوستر ائداخ مقبره سین باغ ارم
دشت بطحاده قوراخ مشهد زهرانی بقیع
.

متن پیشنهادی:  قورویوبدی مشک سقا سووا یوخ گمانیم اصغر #اصغریه_نادری

دوزدی ، لازمدی علی اذنی اولا بو سخنه
ایندی کی بیله اجازه هله وئرموبله سنه
لااقل فاطمه نین یاره لریندن دی منه
سن بیلورسن نه جسارتلر ائدوب ثانی بقیع
.

ای بقیع حرمتیوی کسمه او نیلی بدنه
مرتضی فاطمه نین جسمینی تاپشوردی سنه
یاخشی ساخلا اونی تا حضرت مهدی گلنه
ئوزی حلّ ایلیه آخر او معمّانی ، بقیع
.

ای بقیع فکر ائله مه عطر ولادن دویارام
یا بو تندن شرفین رخت و رداسین سویارام
یوزیمی ، گلسم اورا توپراقون اوسته قویارام
دیئرم منده گرک بوردا وئرم جانی بقیع
.

متن پیشنهادی:  هانی قارداشیم اخی بس نه گلوب قارداشیما #عباسیه_زائر_تبریزی

چاتسا بیرگون الیمیز قبلۀ آمالیوه گر
سو سوزین آچماروخ اوردا نیه کی قلبی د لر
چون یاتوب اوردا ابوالفضل آناسی امّ قمر
آلان آغوشینه ای مادر سقانی بقیع
.

ای «مُصَیّب» بیلوسن شاهد غربت دی علی
نیمۀ شب او سینیق گوهرینی گتدی علی
فدکین یاره لرین قبریده گیزلتدی علی
یاخشی تا ساخلیا اول سینۀ سوزانی بقیع
.

.
#فاطمیه_شهادت #فاطمیه

#ای_قزل_توپراقی_خاک_شرف_عنوانی_بقیع
#مصیبی_تبریزی
#ترکی
#زبدةالاشعار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی