ای قلبیمون قراری لای لای رقیه لای لای #حضرت_رقیه_حضرتی_ناعمی

زبانحال حضرت زینب (س) در شهادت حضرت رقیّه (س)
..
..
..
#سبک_احوالیمیز_یاماندی … 10 سبک … #سبک_قان_یاغدی_کربلایه ..
مشابه
پخش‌کننده صوت

..
..
..
..
حضرتی (ناعمی)
..
..
..
..
ای قلبیمون قراری لای لای رقیّه لای لای
وی اکبرین نگاری لای لای رقیّه لای لای
لاى لای رقیّه لای لای
..
..
..
..
آچ گؤزلرون عزیزیم قلبیم دونوبدی قانه
سولموش عذاره غمدن اشکیم اولوب روانه
شیرین آدون دیلیمده گللم بالا فغانه
ای سینمون شراری لای لای رقیّه لای لای
..
..
..
..
پروانه لر مثالی من باشیوه دولاننام
اوچ یاشدا ئولمگوندن یاننام رقیّه یاننام
زهرا باخیش گوزوندن زهرا جانی اوتاننام
نیلی اولان عذاری لای لای رقیّه لای لای
..
..
..
..
واردور رقیّه حقون قلبون گرک دولیدی
سیلی دگن جمالون گوللر کیمین سولیدی
ای کاش سن ئولنده عبّاس عمون اولیدی
ائتسون بو زاره یاری لای لای رقیّه لای لای
..
..
..
..
ای اوج یاشیندا عاشق عشقین یولوندا صادق
اولمادی اوّلیندن سنلن فلک موافق
آغلار سنه چمنده پرپر اولان شقایق
ای غنچۀ بهاری لای لای رقیّه لای لای
..
..
..
..
ویرانه گوشه سینده یاندون غم فراقه
تا میزبانلیق ائتدون بیر یاره لی قوناقه
جانانه لر مثالی قویدون دوداق دوداقه
گؤز یاشون اولدی جاری لای لای رقیّه لای لای
..
..
..
..
رسم فلکدی گویا هر یالقیزی ویراللار
حق اوسته اهل باطل یولداشسیزی ویراللار
ثانی کیمین کسوب یول قارداشسیزی ویراللار
دردون قوتاردی باری لای لای رقیّه لای لای
..
..
..
..
کیمسه دئدی بو نوعی بیر عالی امتحان وئر
قانلی دوداقدان اؤپجاق عشقیله نقد جان وئر
گئت تازیانه ردّین صدّیقیه نشان وئر
آغلات او سوگواری لای لای رقیّه لای لای
..
..
..
..
آغلار مصیبتونده زهرا آنام رقیّه
نوحه ائدر غمونده حیدر آتام رقیّه
من سسلرم ئولونجن نازلی بالام رقیّه
ای عمه نین وقاری لای لای رقیّه لای لای
..
..
..
..
هی اوخشارام جهاندا گون گورموین رقیّه
الدن وئرن آتاسین قاره گئین رقیّه
بی رحملر الیندن سیلی یئین رقیّه
مین محنتین دچاری لای لای رقیّه لای لای
..
..
..
..
سن تک داخی جهاندا مغموم ئولن تاپولماز
غربتده نیمه شب چون قبرکن تاپولماز
یاننام بو درده حتی بیر آغ کفن تاپولماز
یوخ دردوین شماری لای لای رقیّه لای لای
..
..
..
..
#حضرت_رقیه #حضرتی_ناعمی #حضرت_رقیه_شهادت #ترکی #زبدةالاشعار