زبانحال حضرت امام حسین علیه السلام به خواهر در شهادت طفل شش ماهه
.
✍️ #زبدةالاشعار ✍️
.
🆔: @nohe_torki
.
.
مرحوم غلامعلی باقری الهامی (هوشی تبریزی)
.
سوزآهیم یری وار یاندورا آفاقی باجی
گل دولوب اصغریمون قانیله قونداقی باجی
.
.
ایله بیرحاله دوشوبدورباجی جان بوصودامر
سهل دوردوست ایدر دشمنه احوالی اثر
گوئیا برج شرافتده باتوب قرص قمر
گوزومه ظلمت ایدوب سربسرآفاقی باجی
.
.
بالاما بیرستم ایلوبدی بواشرار زمن
اللریم اوسته باتوب قانینه بوغنچه دهن
داخی گلمزدی یوزوم بیرده گلم خیمیه من
دولانوردوم اودی میداندا صول وصاقی باجی
.
.
آرزو بس که بالام وصلت جانان ایلدی
بحرعشقی اورگینده اودی طغیان ایلدی
اوخ گلنده اوخا اوزجانینی قربان ایلدی
قویدی اوزعشقینه مبهوت هامی عشّاقی باجی
.
.
گل آپارلاله کیمی اصغریم القانه باتوب
خوش گوروب دوریرینی اللریم اوستونده یاتوب
سوکیمی قانین ایچوب باشداکی سوفکرین آتوب
مست ایدوب جام اجلدن بالامی ساقی باجی
.
.
بسکه تشنیدی یانوردی باجی بوغنچه دهن
ایتدی سیراب دم تیریله اشرارزمن
دوتوب حلقیندن آخان قانینی سپدیم گویه من
بویادیم قرمزی اول قانیله نُه طاقی باجی
.
.
بوش قالوبدورقفس جسمی باجی جانی گیدوب
بارِگلزارغمین غنچۀ خندانی گیدوب
اوخ دگوب اصغریمون حلقنه بس قانی گیدوب
ایلیوب دورلعل گون قانیله تپراقی باجی
.
الیم اوستونده بالام جام اجل نوش ایلیوب
تشنه لیق فکرینی هرچند فراموش ایلیوب
دل پُرحسرتی مین تیرغمه توش ایلیوب
یانارام من نقدرعمروم اولا باقی باجی
.
.
باجی عهدایتموشودوم حضرت جانانیله من
عارض اصغری الوان ایلیم قانیله من
یاخشی رفتار ایلدیم ایمدی اوپیمانیله من
قویمادیم ناقص اوعهدیله اومیثاقی باجی
.
.
اوزگه بیرحاله باجی اصغره باخجاق قالارام
آتش آهیمیله عالمه بیراود سالارام
سینمه قبریده ده اصغری آخرآلارام
قبریمون شیعه لرهرآن اولی مشتاقی باجی
.
.
(هوشی)هرچند که ایام زمن خسته سیدور
جسمی آفاقیده نخل محنین هسته سیدور
هرکلامی ولی تأئید حسین بسته سیدور
اودی شوقیله یازاردولدوری اوراقی باجی
.
.
.
.
#اصغریه_هوشی_تبریزی
#اصغریه_شهادت
#سوز_آهیم_یری_وار_یاندورا_آفاقی_باجی
#ترکی
.
✍️ #زبدةالاشعار ✍️
.
🆔: @nohe_torki
نظر دهید